Kya aap ek small business chalate hain? To Pradhan Mantri Mudra Yojana aapke liye hai.
Pradhan Mantri Mudra Yojana kya hai?
MUDRA ya Micro-Units Development and Refinance Agency Yojana ek aisi scheme hai jo small businesses ki help karti hai.
8 April 2015 ko launch kari gayi yeh scheme small and micro sized businesses, jo corporate aur farming category ko belong nahi karte, unhe Rs. 10 lakhs tak ke loans (MUDRA loans) provide karti hai. Aap ya to bank me jaakar iss loan ke liye apply kar sakte hain ya fir online.
MUDRA kya hai?
MUDRA (Micro Units Development & Refinance Agency Ltd.) Government of India ke dwara shuru kara gaya ek financial institution hai jo non-corporate small business sector ko funding provide karta hai.
MUDRA ke zariye government ka purpose hai banks ya non-bank financial institutions ko financial support provide karna taaki vo aage micro businesses ko loans provide kar sakein.
Isme kya kya benefits aapko milte hain?
- Shishu
- Kishore
- Tarun
Pradhan Mantri Mudra Yojana ke under kya kya cover hota hai?
- Vendors, traders, shopkeepers, aur anya service sector activities ke liye business loans
- MUDRA cards ke zariye working capital loan
- Micro units ke liye equipment finance
- Transport vehicle (commercial use) loans
- Pisciculture. bee keeping, poultry farming, vagahra jaisi non-farm income generating activities
- Tractors, tillers, aur baaki two wheelers for commercial purposes
(Source: mudra.org.in)
Loan kaun deta hai PMMY ke under?
Bank, MFI (Microfinance Institutions), aur NBFC (Non-Banking Financial Company). Loans ke liye conditions in institutions aur RBI ki guidelines ke according hongi. Aapki eligibility aur proposal ki details dekh kar hi banks aapko loan provide karenge.
PMMY ke liye kaun kaun eligible hain?
- Aap ek Indian citizen hone chahiye
- Aapki loan requirement Rs. 10 lakh se kam honi chahiye
- Aapka business plan manufacturing, processing, trading, ya service sector ke around hona chahiye. Basically, aisi activities jo non-farm income generating activity ke under aati ho
- Aapka business ek non–corporate small business hona chahiye (jaise small manufacturing units, shopkeeping, fruits / vegetable selling, repair shops, artisans etc.)
