Is article ke through hum aapko batayenge kuch easy ways to learn English Grammar tenses in Hindi, jisse aap asaani se ghar baithe sirf kuch hi dino mai Spoken English tenses mai expert ho jayenge.
Aapne English grammar tenses ke baare mai suna aur padha hi hoga. Aapke school mai aapne bohot saare grammar questions solve kiye honge. Aap mai se kuch logo ko English grammar basics aur tenses ki achi knowledge hogi aur kuch beginners bhi honge.
Aaj kal har koi Spoken English mai fluent banna chahta hai. Aaj kal ki competitive duniya mai yeh sabse badi requirement ban chuka hai. Achi English sikhna koi baccho ka khel nahi hai. Iske liye mehnat aur lagan se koshish karni padhti hai. Bina English grammar sikhe aap English mai fluent nahi ban sakte.
Is article ke through mai aapko tenses aur uske types ke baare mai bataungi aur kuch aise hacks bataungi jisko use karke aap tenses mai perfect hojayenge chahe aap ek expert ho ya beginner. Mai aapko bataungi ke-
- Tense kya hai aur tenses sikhna kyu zaroori hai?
- English Grammar tenses in Hindi aur uske types kya hai?
- Tenses sikhne ke asaan tareeke kya hai?
Josh Skills App par Sikhe Fluent English Bolna
English Grammar Tenses kya hai aur tenses sikhna kyu zaroori hai?
Tenses kya hai aur inhe samajhna aur sikhna kyu itna zaroori hai, in sab ke javaab aapko abhi mil jayenge. Aapne tenses ke baare mai kabhi na kabhi toh suna hi hoga. Har kisi ko as a student tenses samajhna aur sikhna padhta hai. Par jaise jaise hum bade hote hai aur higher studies pursue karte hai waise waise hum English grammar tenses aur iski importance ke baare mai bhool jaate hai. Hum in tenses ko improve karne pe zyada dhyaan nahi dete.
Tenses English grammar ka ek bohot important part hai. Tense word ek Latin word se aata hai jo hai “Tempus” meaning Time. Tenses kisi kaam ya action ka samay bataate hai. Konsa kaam kub hua tha yeh sirf tenses ke through hi bataaya jaa sakta hai.
Tenses aapke present (vartamaan), past (bhootkaal), aur future (bhavishya) mai hone waale kaam ya events ke baare mai bataate hai. Har English sentence mai tenses ka ek bohot important role hota hai. Tenses aapke sentence ko ek meaning deta hai jisse aapka message doosro tak effectively pohuch jaata hai.
Importance of English Grammar Tenses in Hindi to Use in Your Daily Life
- Tenses aapke verbal aur written communication skills improve karte hai
English grammar tenses aapki spoken English skills aur writing skills improve kardete hai. Tenses sikhne se aap sahi sentences form kar paate hai jisse aap dusro se ache se communicate kar paayenge.
Jab bhi aap kuch likhte hai jaise koi articles, essays ya blogs toh aapki English grammar sahi honi chahiye tabhi aap ek effective writer ban paayenge. Agar aapki grammar weak ho toh aapke sentences aur phrases sahi nai ho paate aur incorrect sentences form hojaate hai.
- Tenses aapko kisi kaam ka samay bataane mai madad karte hai
Tenses ka matlab hai kisi kaam ka samay bataana. Aap jo bhi bolna chahte hai uska samay bataana bohot zaroori hai tabhi aapka message clear hota hai.
Aapke message ko clear aur effective banane ke liye aapko sahi tense aur verb ka use karna zaroori hai. Galath tense use karne se aapki audience confuse hojaayegi aur nahi samajh paayegi ke aap kis samay ki baath bata rahe hai.
- Tenses aapke competitive exams mai madad karte hai
Aaj kal koi bhi field mai admission lene ke liye ya jobs milne ke liye aapko competitive exams mai pass hona padhta hai. Koi bhi competitive exam ho jaise ICET, CAT, MAT, CMAT etc. har exam mai aapko tenses ke baare mai questions puche jaate hai.
Har recruitment exam mai tenses ke baare mai questions puche jaate hai jaise Error correction, use the correct verb etc. Jab tak aapko tenses ki poori knowledge na ho aap in questions ko solve nahi kar sakte aur apne exams crack nahi kar paayenge.
Spoken English Grammar Tenses in Hindi aur uske types kya hai?
Tenses ki importance ko samajhne ke baad aap bhi English grammar tenses sikhna chahte honge aur apni English speaking skills improve karna chahte honge.
Mai aapko tenses aur uske types ki poori jaankari dungi jisse aap asaani se kuch hi samay mai tenses ache se sikh jaayenge. Toh aayiye shuru karte hai.
Tenses (kaal) koi bhi action ya kaam ka samay bataate hai aur yeh verb (karta) ko change karte hai. To learn tenses aapko inke types bhi samajhne honge.
Tenses ke 3 basic types hai-
- Present Tense
- Past Tense
- Future Tense.
Har tense ke 4 types hote hai-
- Indefinite Tense
- Continuous Tense
- Perfect Tense
- Perfect Continuous Tense.
Total 12 prakaar ke tenses hote hai. Neeche diye gaye chart ke through aapko iski brief understanding mil jayegi.
| PRESENT | PAST | FUTURE | |
| SIMPLE | Verb (s) | Verb + ed | Will + verb |
| CONTINUOUS | Am/is/are + verb + ing | Was/ were + verb + ing | Will + be + verb + ing |
| PERFECT | Has/have + PP | Had + PP | Will + have + PP |
| PERFECT CONTINUOUS | Has/have + been + verb + ing | Had + been + verb + ing | Will + have + been + verb + ing |
Ab mai aapko saare tenses aur uske examples bataungi.
Present Tense
Present tense ka matlab hai woh shabd jo vartamaan ya present kaam, jo chal raha ho use bataate hai. Is tense ka use aap current situation ya kaam ko bataane ke liye karte hai.
Present tenses ke 4 types hai-
- Simple Present tense
Simple present tense do situations mai use hota hai-
- Ek jab koi kaam chal raha ho ya koi kaam regulary aur roz hota ho.
- Doosra koi habit, fact ya truth ko bataane ke liye.
Simple Present Tense kaise form kare?
Simple Present tense form karne ke liye aap koi bhi verb ke saath “s” ya “es” form use karte hai jaise write(s), play(s), sleep(s), do(es), go(es) etc.
Examples of Simple Present Tense
- Ali writes a lot of stories.
Explaination: Is sentence ka matlab hai ki “Ali bohot saari kahaaniya likhta hai”. Yeh ek present simple tense hai kyuki yeh kaam woh hamesha se karta aa raha hai aur abhi hi kar raha hai. Yaha verb “likhta hai” ko simple present tense mai use kiya jaa raha hai jo banta hai “write(s)”.
Aise hi doosre examples hai-
- She goes to school.
- Sandara brushes her teeth.
- Maya sleeps on her bed.
- Present Continuous Tense
Present Continuous Tense waha use hota hai jaha koi kaam currently chal raha ho. Yeh kaam aksar kum samay ke liye kiye jaate hai.
Present Continuous Tense kaise form kare?
Present Continuous Tense form karne ke liye- is/am/are + verb +ing form use karke sentence form kiya jaata jaise ki- is writ(ing), are danc(ing), am go(ing) etc.
Note: Pronoun “I” ke saath “am” use karte hai.
Pronoun “He”, “She”, “It” ke saath “is” use karte hai.
Pronoun “We”, “You”, “They” ke saath “are” use karte hai.
Examples of Present Continuous Tense
- Ali is writing a lot of stories.
Explaination: Is sentence mai “Ali bohot saari stories likh raha hai”. Yeh ek Present Continuous tense hai kyuki Ali abhi stories likh raha hai aur uska yeh kaam abhi chal raha hai. Isliye yaha “is writ(ing)” verb ka form use hoga.
Aise hi doosre examples hai-
- The children are dancing well.
- I am going to take a nap.
- We are celebrating on my birthday.
- Present Perfect Tense
Present Perfect Tense waha use hota hai jaha koi kaam past se shuru hokar present tak chal raha ho ya recently complete hua ho ya fir woh kaam jo past mai shuru hua ho aur uska prabhaav present mai padh raha ho.
Present Perfect Tense kaise form kare?
Present Perfect Tense form karne ke liye- has/have + Past participle use karte hai. Yaha Past participle ka matlab hai verb ka past form use karna jaise- has written, have studied etc.
Note: Has -He, She, It etc. ke saath use hota hai.
Have- I, You, We, They etc. ke saath use hota hai.
Examples of Present Perfect Tense
- He has written a lot of stories.
Explaination: Is example mai maan lijiye ki “Ali ne bohot saari stories likhi hai”. Yeh ek Present Perfect Tense hai kyuki Ali stories pehle se likh raha tha aur recently un stories ko complete kiya hai. Yaha “has” helping verb use hoga kyuki He, She ya koi bhi second person ke liye “has” use hota hai aur “wriiten” past participle use kiya jaayega.
- They have danced well.
Explaination: Maan lijiye ke Rita, Maya aur Soniya ne bohot acha dance kiya. Yaha in teeno ne apna dance complete kardiya hai par use complete karke zyada samay nahi hua hai isiliye yeh Present Perfect Tense hai. “They” ke saath hum “have” helping verb use kar rahe hai kyuki “They” third person plural hai aur verb ke saath “ed” form use karenge.
Baaki ke examples se samajhne ki koshish kare.
- He has lived here all her life.
- He has finished the task.
- Present Perfect Continuous Tense
Present Perfect Continuous tense waha use hota hai jaha koi kaam past mai shuru kiya gaya ho aur abhi bhi chal raha ho.
Present Perfect Continuous Tense kaise form kare?
Is tense ko form karne ke liye- has/have + been + verb + ing form use hoga. Jaise have been waiting, has been writing, have been doing etc.
Examples of Present Perfect Continuous Tense
- They have been waiting for the bus.
Explaination: Maan lijiye ke “Rohan, Sweety, aur Kiran bus ka intezaar kar rahe hai”. Yaha yeh teeno bus ka wait pehle se kar rahe the aur abhi bhi kar rahe hai. Isliye yeh Present Perfect Continuous tense hai. Yaha pronoun “They” hai isliye hum “have” helping verb ke saath “been” use karenge aur kyuki yeh kaam abhi bhi chal raha hai isliye hum verb ke saath “ing” form use karenge jo “have been waiting” hojayega.
- She has been decorating the house.
- I have been working very hard.
Past Tenses
Past tense ka matlab hai woh kaam jo guzre hue samay mai complete hogaya ho.
Past Tense ke 4 types hai-
- Simple Past Tense
Simple Present Tense waha use hota hai jaha koi kaam pehle hi khatam ho chuka ho aur iska present samay se koi relation na ho.
Simple Past Tense kaise form kare?
Simple past tense form karne ke liye aap verb ke saath “ed” use karte hai. Jaise- danced, played, hugged etc.
Examples of Simple Past Tense
- He danced in the function.
Explaination: Yaha dance pehle hi ho chuka hai aur iska present se koi naata nahi hai isliye yeh Simple Past Tense hai. Yaha verb “dance” ke saath “ed” lagaya jaayega jo “danced” hojaayega.
- He flew to Bhopal last month.
- Tarun went on a picnic.
- Past Continuous Tense
Past Continuous tense waha use hota hai jaha koi kaam guzre hue samay mai chal raha tha ya koi kaam past mai zyada samay ke liye chal raha tha, use describe karne ke liye past continuous tense use hota hai.
Past Continuous Tense kaise form kare?
Past Continuous Tense form karne ke liye- was/were + verb + ing form use hota hai. Jaise was getting late, were going out etc.
Note: Was – I, He, She, It ke saath use hota hai.
Were- They ke saath use hota hai.
Examples of Past Continuous Tense
- It was getting darker.
Explaination: Yeh ek Past Continuous Tense hai kyuki yaha pehle hue kaam ke baare mai bataaya jaa raha hai. “It” ke saath hamesha “was” use hota hai aur yaha verb “get” hai jiske saath “ing” form use hoga aur yeh “getting” ban jaayega.
Kuch aur examples ki shayata se samajhne ki koshish kare.
- I was reading a book.
- They were going out for dinner.
- Past Perfect tense
Past Perfect tense waha use hota hai jaha guzre hue samay mai koi kaam kisi dusre kaam se pehle khatam ho chuka ho.
Past Perfect tense kaise form kare?
Past perfect tense form karne ke liye- had + past participle form use hoga. Jaise had slept, had performed etc.
Examples of Past Perfect Tense
- He had slept before it was dark.
Explaination: Maan lijiye ki “Rahul shaam hone se pehle soo gaya tha”. Yaha “shaam hone se pehle” aur “soo gaya tha” do kaam hai jo pehle ho chuke the. Yaha ek kaam dusre kaam ke baad ho raha hai isliye yeh Past Perfect Tense hai. Yaha “had” helping verb use hoga aur “slept” past participle hai.
Aise hi dusre examples hai-
- He had gone to London before I went to see him.
- They had decided to conduct an exam before the vacations.
- Past Perfect Continuous tense
Past Perfect Continuous tense waha use hota hai jaha guzre hue samay mai koi kaam dusre event ya time se pehle hua ho aur us event ya time mai chal raha ho.
Past Perfect Continuous Tense kaise form kare?
Past Perfect continuous tense form karne ke liye- had + been + verb + ing form use hota hai. Jaise had been writing, had been waiting etc.
Examples of Past Perfect Continuous Tense
- At that time, he had been writing a book for 6 months.
Explaination: Is sentence mai- “Us samay, woh 6 months se ek book likh raha tha”. Yeh Past Perfect Continuous Tense hai kyuki at present book complete ho chuki hai par is sentence mai jab book likhi jaa rahi thi tab ka description diya jaa raha hai. Us beete samay par woh 6 months se book likh raha tha.
Aise hi dusre examples ko samajhne ki koshish kare-
- She had been studying when I called.
- I had been reading at least a year before my brother learned to read.
Future Tense
Woh kaam jo aage aane wale samay mai hoga use Future tense kehte hai.
Future tense ke 4 types hai-
- Simple Future Tense
Simple Future tense waha use hota hai jaha koi kaam present samay ke baad hoga aur jiska present samay se koi relation na ho.
Simple Future Tense kaise form kare?
Simple future tense form karne ke liye- will/shall + verb use hoga. Jaise will go, shall see, will come etc.
Examples of Simple Future Tense
- I shall see you soon.
Explaination: Is sentence mai jald hi milne ki baath ho rahi hai jo ki future mai kabhi aane wale samay mai hoga jiska confirm time ka pata abhi nahi hai isliye yeh Simple Future Tense hai.
Baaki ke examples hai-
- He will visit his grandparents house any time soon.
- They will walk home.
- Future Continuous Tense
Future continuous tense waha use hota hai jaha koi kaam jab tak nahi hoga tab tak koi doosra kaam ya event na ho.
Future Continuous Tense kaise form kare?
Future Continuous tense form karne ke liye- will/shall + be + verb + ing form use hoga. Jaise will be going, shall be doing etc.
Note: “will”- negative sentences ke liye ya confirm sentences ke liye use hota hai.
“shall” – formal sentences ya I/we ke saath use hota hai.
Examples of Future Continuous Tense
- She will be walking when its sunshine.
Explaination: Yaha ek ladki chalna tab shuru karegi jab sunshine hogi. Ek kaam ke hone par hi dusre kaam ke hona ka bodh hota hai toh who Future Continuous Tense hai.
Baaki ke examples ko samajhne ki koshish kare-
- Pooja will be going to the UK after her graduation.
- I shall be coming to your house next week.
- Future Perfect Tense
Future Perfect Tense waha use hota hai jaha koi kaam kisi dusre kaam ke pehle khatam hojayega.
Future Perfect Tense kaise form kare?
Future Perfect Tense form karne ke liye- will + have + past participle form use hoga. Jaise will have studied, will have written etc.
Examples of Future Perfect Tense
- By the time we arrive, he will have studied.
Explaination: Is example mai kaha jaa raha hai ki “hamare pohuchne se pehle woh padh chuka hoga”. Yaha kisi ke pohuchne se pehle hi padhne ke kaam khatam hone wala hai. Ek kaam ke hone se pehle doosra kaam khatam hojayega isliye yeh Future Perfect Tense hai.
- By the end of this week, I will have finished this novel.
- By the time I am sixty, I will have retired.
- Future Perfect Continuous Tense
Future Perfect Continuous Tense waha use hota hai jaha koi kaam jab tak continue hoga tab tak koi dusra kaam ya event na ho.
Future Continuous Tense kaise form kare?
Future Continuous Tense form karne ke liye- will/shall + have + been + verb + ing form use hoga. Jaise will have been writing, will have been studying etc.
Examples of Future Perfect Continuous Tense
- In September, I will have been working at my company for 2 months.
Explaination: Is sentence ka matlab hai ki “September mai mujhe is company mai kaam karte hue 2 months hojayenge”. Yaha, mera kaam abhi bhi chal raha hai par mujhe apni company mai kaam karte hue abhi 2 months nahi hue hai. September mai hi mujhe kaam karte hue 2 months duration complete hoga. Yaha ek event hone ke baad hi dusra event complete ho raha hai isliye yeh ek Future Continuous Tense hai.
- She will have been studying an hour at 9:00.
- On Sunday, I will have been knowing you for a week.
Toh yeh the English grammar tenses aur uske types. Umeed hai aapko in examples se tenses aur uske types samajh aagaye honge. Agar aap English grammar tenses mai perfect hona chahte hai aur apni vocabulary improve karna chahte hai toh aap abhi Josh Talks ka Spoken English course join kar sakte hai.
English Grammar Tenses in Hindi: Sikhne ke asaan tareeke kya hai?
1. First tip hai Helping verbs ko sikhna
English grammar tenses ko sikhne ka sabse zaroori aur pehla step hai helping verbs ko sikhna. Helping verbs woh verbs hai jo main verbs ke saath use hote hai. Helping verbs, main verbs ko support karte hai. Bina helping verbs ke sentence poora nahi ho paata.
Helping verbs 3 types hai hote hai-
To Be- Is, Am, Are, Was, Were
To Have- Has, Have, Had
To Do- Do, Does, Did
2. Second tip hai Main verbs ko sikhna hai
Main verbs ko sikhna bohot zaroori hai. Tenses sikhne ke liye verbs ki poori knowledge hona bohot zaroori hai kyuki tenses verbs ka form change kardete hai.
Main verb, sentence ke main meaning ko bataate hai. Jaise go, went, gone, going, goes, been going. In verbs ko achi tarah samajhna aur sikhna bohot zaroori hai.
3. Grammar workbook se tenses ki practice kare
Spoken English tenses ko sikhne ke liye uski practice karte rehna bhi bohot zaroori hai. Aap apni school ki grammar workbooks ya apne bhai behen ki grammar books se daily practice kar sakte hai.
Aapko daily atleast 25 minutes practice karna chahiye. Isse aapko daily grammar use karne ki aadath hojayegi aur tenses ke questions solve karne mai aasaani hogi. Grammar books se practice karte rehne se aapka revision bhi hojayega aur aapke saare tenses ki jaankari bhi badhti jaayegi.
4. Simple sentences se tenses sikhne ki koshish kare
English grammar tenses ko sikhne ke liye sabse zaroori hai ki aap simple aur daily use sentences aur phrases se tenses sikhe. Aap jitne bade aur complex sentences se tenses sikhenge utne hi confuse hote jayenge.
Aapko apne daily use sentences ya basic sentences se tenses sikhne ki shuruat karni chahiye jisse aapke basics strong hojayenge aur aapki Spoken English bhi improve hojayegi. Aapko apni daily life mai bhi tenses use karne ki aadath hojayegi.
5. Novels ki sahayta se tenses sikhe
Novels se tenses sikhna ek bohot acha hack hai jisse aapko past, present aur future ki achi tarah samajh ho jayegi. Usually novels mai second ya third person ke nazariye se kahaani likhi aur padhi jaati hai.
Ismai guzre hue samay ke baare mai bataaya jaata hai jisse aapko sentences form karne aur tenses kaise use karne hai iski samajh hone lag jaati hai. Novels ek interesting tareeka bhi hai jisse aapko maza bhi aayega aur aap easily tenses learn kar sakte hai.
Kuch novels jinse aap apni English improve kar sakte hai-
The Wind in the Willows – Kenneth Grahame
Lord of the Flies – William Golding
6. Crossword puzzles aur quizzes solve kare
Tenses ko mazedaar aur interesting tareeke se sikhne ka ek aur hack hai ki aap crossword puzzles aur quizes solve kar sakte hai. Isse aap bore bhi nahi honge aur past, present aur future tense ke usage ke baare mai sikh bhi jaayenge.
Tenses ke 12 types ke crossword puzzles solve karne ke liye aap yaha click kare aur practice kare.
7. YouTube se sikhe English Grammar tenses in Hindi
Aaj kal YouTube par har cheez ke baare mai information available hai. Aap jo kuch bhi sikhna chahte hai woh digitally YouTube ke through easily sikh sakte hai.
Tenses aur uske types ke baare mai YouTube pe aise bohot saare videos available hai jisse aap ghar baithe kuch hi samay mai tenses mai expert ban sakte hai.
Tenses aur uske types ko sikhne ke liye is video ko dekhe.
8. English Grammar Tenses in Hindi sikhne ke liye best websites aur online courses
Aaj kal online ki duniya mai aisi bohot saari websites aur courses available hai jisse aap tenses aur uske types learn kar sakte hai. Har website aur course mai alag content hota hai jisse hum confuse hojaate hai ki sabse best website aur online course konsa hai.
English grammar tenses sikhne ke liye best online course hai Josh Talks ka Spoken English Course jisse aap apni English speaking skills improve kar sakte hai. Is course mai aapko experts dwaara English grammar ke basics, sentence formation, tenses, speaking skills sikhaaye jaayenge. Aapko daily practice questions bhi diye jaayenge jinko solve karke aap English speaking mai expert ban sakte hai. Bohot sare logo ne is course mai enroll karke apni Spoken English improve ki hai aur apni weakness ko strength banaliya hai. Aap bhi Josh skills app download karke abhi Spoken English course mai enroll kare.
