Personality Development in Hindi : Best 6 Tips

Jab bhi hum pehli bar kisi vyakti se milte hain ya jab koi apne aap ko humse introduce karwata hai toh hum sabse pehle us vyakti ke personality ko hi jante hain. Personality yani vyakti ka vyaktitwa ek esi quality hai jo insaan ke behaviour aur attitude ke bare mein sab kuch bata deta hai. Aaj hum isi quality ko develop karne ke bare mein janenge aur samjhenge kya hoti hai personality development in Hindi.

Is article mein hum baat karenge –

Personality development kya hai?

Personality development kyun jaruri hai?

Personality development kaise karein?

Personality development kya hai?

Personality development ka matlab hota hai apne vyaktitwa ko ubharna. Personality development mein aapko apne personal behaviour, attitude, way of presentation, logon se baat karne ka tarika aur esi hi bhot si chizon ko ubharna hota hai.

Personality development se aapke nature aur behaviour mein kaafi improvement aata hai aur ye kewal aap pe hi positive asar nahi dalta balki aapke aas pas ke logon ka bhi aapke taraf ek positive attitude develop karta hai.

Jab bhi hum personality development ki baat karte hain toh hum niche di gayi qualities ko enhance karte hain –

• Self – awareness yani apne characters aur apne feelings ko samajhna.
• Self – identity aur self – esteem yani apne personality aur apne aap ko samajhna.
• Talent development yani aapni kshamta ko ubharna.
• Behaviour aur presentation skill ko ubharna.
• Potential identification yani aapni kabiliyat pehchanna.
• Responsibility awareness yani apne aur bakiyon ke prati aapki responsibility ke liye aware rehna.
• Quality of life ko enhance karna yani health, happiness aur comfort ko behtar banana.
• Physical as well as mental health improve karna.
• Aspiration fulfil karna yani jo socha, jo sapne hain usey pura karna.

Personality development kyun jaruri hai?

Is persoanlity development shabd ke bare mein toh aapne khub suna hoga aur humne aapko bata bhi diya ke akhir ye hota kya hai. Magar ab aap ye soch rahe honge ke akhir kyun jaruri hai personality ko develop karna aur issey apka kya fayeda hoga.

Banayein apni alag pehchan

Personality grow karne pe aap bakiyon ke comparision mein behtar zindagi jeetey hain. Issey logon ke mann mein aapke liye ek positive soch banti hai aur fir log aapse judna chahte hain aur aapki hi tarah banna chahte hain. Aur esa toh shayad hi koi hoga jo ye na chahe ke log unke lifestyle ko follow karein.

Life se stress aur conflict ko dur karein

Personality development aapke zindagi jeene ke tarike ko behatar banata hai. Aapki life aur lifestyle ke prati soch badal jaati hai aur aap life ki kamiyon ke bajaye life mein positive chizon ke taraf jyada dhyaan dene lagte hain. Jiske wajah se aap jyada khus rehte hain aur khusi aapke life ki stress ese hi kam kar deti hai.

Life se negativity ho jayegi dur

Agar aapmein bhi negative attitude hai, toh aap life ke har kaam mein problems hi payenge. Jabki ek insaan jiske andar positive attitude hota hai usey har mushkil mein kahin na kahin us mushkil se bahar nikalne ka upaye dikhta hai. Issey aapka kaam kabhi rukta nahi aur aap life mein humesha agey badhte hain.

Skills improve karein aur confidence badhayein

Personality development na hi aapke personal life pe positive asar daalta hai balki aapke professional life pe bhi kaafi positive asar daalta hai. Jab aap ek positive attitude carry karte hain toh aapke andar ka confidence bhi badhta hai. Aur ye toh aap jaante hi hain ki ek confident vyakti jivan mein kisi bhi mukaam ko hasil kar sakta hai.

English improve karne ke liye click kare

Personality development kaise karein?

Ab jab aap samajh gaye hain ke personality development ke kitne fayede hain toh ab aap ye soch rahe honge ke akhir personality development kaise kare?

Toh iska jawab hai ke apne life mein aur jeeney ke dhang mein aapko kuch chizon ka badlao karna hoga jissey aap ek acchi personality bana sakte hain. Toh ayiye baat karte hain ke kya karein jissey aap bhi life mein ek strong aur alag personality bana sakte hain.

Communication skill ko improve karein

Sabse pehli baat jo ki jaruri hai wo hai ke aap kisi se kaise baat karte hain. Jab bhi aap kisi anjaan vyakti se milte hain toh us insaan ko janne ki prakriya baat chit se hi hoti hai. Agar wo vyakti aapse acchi tarah baat nahi karta hai toh aapka mann nahi karta agey us insaan se baat karne ka aur agar wahi vyakti aapse ese baat karta hai jissey apka mann ko khushi milti hai toh aap bhot jaldi us insaan se ghul mil jate hain.

Josh talks ke courses harazo logo ko help kar rahe hai career mai aage badne ke liye. Niche diye gaye button par click karke janiye courses ke baare mein

Yahi baat apko bhi dhyaan rakhni hai ke aap kisi se kaise baat karte hain. Toh chaliye hum aapko batate hain ke wo kya badlao hain jinse aap apne baat karne ke tarike ko improve kar sakte hain –

• Humesha apni awaz ko soft rakhein aur na hi dheere bolein aur na tez.
• Kuch bhi bolne se pehle sochein ke aapki boli hui baat saamne wale ko buri na lage.
• Jab bhi baat karein toh saamne wale insaan ki aur dekhkar hi baat karein.
• Bolne se pehle sunne ki kshamta ko badhayein. Aap jitne dhyaan se saamne wale ki baat ko sunenge aapki baat ko bhi saamne wala utna hi sunega.
• India mein hindi language ka janna toh jaruri hai hi. Sath hi sath english language ka bhi janna jaruri hai. Isiliye koshish karein ke aap english bolna bhi sikhein jiske liye aap magazines padhein, books padhein, aur apne doston se english mein baat karne ki koshish karein.
• Kisi bhi baat ko kam shabdon mein samjhane ki kosish karein.

Body language ko bhi improve kare

Body language ka matlab hai ke aapka body gesture kaisa hai. Ismein aapko kaafi chizon ka dhyaan rakhna hota hai jaise –

• Apne baithne ke tarike ko sudharein. Jab bhi aap kisi ke saamne baithe toh aise baithe ke saamne wale ko dekhkar esa na lage ke aap apne ghar mein baithe hain. Baithne ke tarike ko professional rakhein.
• Chalte waqt bhi dhyaan rakhein ke aaram se chalein aur kisi aur ko dhakka dete hue na chale.
• Jab bhi hanse toh ese hanse jismein jyada awaz na ho. Magar iska matlab ye nahi ke aap khulkar na hanse. Bas aapke hansne se kisi aur ko disturbance na ho.
• Jab aap kisi ke saamne khade hain, toh ese khade na ho jissey lage ke aapme bhot jyada attitude hai. Pocket mein hath rakhkar ya waise hi similar gesture se esa lag sakta hai ke aapme jarurat se jyada attitude hai. Isiliye in chizon ko avoid karein.
• Kisi se baat karte waqt ya kuch samjhate waqt bhot jyada hathon se baat ko express karne ki kosish na karein.

Dressing sense ko sudharein

Dressing sense ka matlab hai kapde pehnne ke tarike aur choices ka dhyaan rkhna. Ab maan lijiye aap kisi official meeting mein ja rahe hain. Us waqt agar aap koi esa kapda pehn lete hain jismei party wear ka look arha ho toh aapne galat kapde pehne hain. Isiliye dressing sense improve karne ke liye in kuch baton ka dhyaan rakhein –

• Kisi bhi official meeting mein ya professional jagah saaf suthra aur decent kapda pehen kar jayein.
• Agar aap party mein ja rahe hain toh party wear kapda pehnne, formal kapde ko avoid karein.
• Jab bhi bahar nikle toh ghar ke bahar pehnne wale kapdon mein hi niklein. Night dress ya ghar ke kapdo mein na nikle.
• Kapde humesha ironed ho aur unmein daag dhabbe na lage hon.

Looks par bhi dhyaan dein

Looks ka matlab hai, ke aap kaise apne aap ko maintain karte hain. Hum bata dein ke looks mein aapka rang matter nahi karta. Magar in kuch baton ka dhyaan rakhna aapke personality ke liye accha hai –

• Jab bhi bahar jayein apne balon ko acche se comb karke jayein. Bikhre hue baalon se aapka impression accha nahi banta.
• Nails ko saaf rakhein. Properly shaped aur saaf nail se bhi aapka look improve hota hai.
• Bhot jyada make up na karein. Occassion ke anusar make-up karein, jaise office mein apka make-up light hona chaiye aur kahin bahar jate waqt bhi apna make-up esa na karein ke apka chehra ajib dikhne lage.
• Apne footwear ko bhi esa rakhein jo aapke dress se match kare. Jaise formal kapdon pe formal shoe ya sandals hi acche lagte hain. Unpe jyada chamkile ya rang birange footwears acche nahi lagte.
• Apne aap ko groom karke rakhein. Kisi bhi professional area mein aap dekhenge ke logon ke baal sahi se set hote hain, body maintained hoti hai, kapde acche se pehne hue hote hain aur ye kisi ko bhi pehli look mein impress karti hai.

Logon ke prati apne behaviour ko accha rakhein

Apka behaviour apke personality ke liye kaafi important hai. Aapka behaviour apke bare mein bhot kuch batata hai. Isiliye apne behaviour se judi in baton ka dhyaan rakhein –

• Sabse respect se baat karein. Chahe wo chhota ho ya bada, ameer ho ya garib, apka behaviour sabke prati ek hona chahiye.
• Jab bhi aap kisi se miley toh ussey greet karna aur smile karke baat karna na bhulein. Yani kisi se milne par usey “Hi”, “Hello”, “Goodmorning” , “Goodevening” wagerah jarur kahein aur baat karte waqt khus hoker baat karein.
• Kisi se bhi rude hokar baat na karein. Agar aapko lagta bhi hai ke saamne wala kuch galat kar raha hai toh usey aaram se samjhayein na ki usper chillayein.
• Iske alawa agar aapne kisi ko time diya hua hai, ya meeting ke liye koi time schedule kiya hai, toh usi time par pahunche. Kisi ko intejaar karwana acchi habit nahi maani jati hai.
• Har baat pe argument na karein. Sune, samjhe aur fir lage ke koi baat galat hai toh hi bolein.

Confidence ko badhayein

Uper di gayi baaton ko follow karne par waise bhi aapka confidence badh jayega. Magar tab bhi aapko lage ke aapka confidence kam hai toh in kuch baaton ka dhyaan rakhein –

• Apne strength aur weakness ka dhyaan rakhein. Apko jab apni strength ka pata hoga toh aap uska istemaal karke apna confidence badha sakte hain aur apne weakness ko bhi improve kar sakte hain.
• Humesha smile karein. Aapka muskurata chehra aapke confidence ko badhayega. Kyunki issey log aapse baat karna chahenge aur aapka attitude unhe pasand ayega.
• Apne kaam ko pure dhyaan se karein. Aap jo bhi kaam karte hain, padhai ya naukri, aapko apne course ya apne job ki puri jankari honi chahiye. Taaki kabhi koi aapse aapke kaam ko lekar sawal kare toh aap usey jawab de sakein.
• Humesha aasan kaam pehle karein aur mushkil kaam baad mein. Issey aasan kaam ke wajah se apka confidence badh jayega aur self – confidence aapko mushkil kaam ko bhi aasani se khatam karne mein madad karega.
• Darr ke na jiyein. Galtiyan har kisi se hoti hai, apni galti se sikh lein aur agey badhein. Har kaam kisi na kisi ke liye naya hi hota hai magar us kaam ko karte karte aap usey aasani se sikh jate hain.
• Confidence badhane ke liye aapko naye skills sikhna bhi bhot jaruri hai. Jitni jyada skils aapmein hongi utna hi aapka confidence badhega. Skill development se jude articles padhne ke liye aap yahan click karein.

Uper batayi gayi saari batein aapke personality development ke liye kaafi useful hai. Magar ye baat kaafi important hai ke aap kitne mann se chahte hain apne personality ko improve karna. Agar aap mann mein than lein ke aapko bhi apni ek alag pehchan banani hai aur bakiyon se alag banna hai toh maan lijiye ke kuch hudd tak aapne apni personality improve kar li hai kyunki apne kaam ko pure shiddat se karna bhi personality ka ek part hai.

Interview ki taiyari aur tips ke liye click kare

MS Excel seekhane ke liye click kare

Agar ab bhi aapke mann mein kuch sawal hai ke personality development kaise kare toh aap humse comment mein puch sakte hain.

Josh talks ke courses harazo logo ko help kar rahe hai career mai aage badne ke liye. Niche diye gaye button par click karke janiye courses ke baare mein