Religious Teacher Indian Army 2020 – Pandit, Maulvi, Granthi, Padri Vacancy Hindi Mein

JCO Religious Teacher Vacancy Last Date, Qualification aur Kaise Apply Kare

Indian army ko join karne ka sunehra mauka aya hai. Army mein 152 JCO ki post nikli hai religious teacher ke liye.

Online registration last date 29 October 2019 1700 hours (shaam ke 5 baje)

Yahan click karke Hindi mein Religious teacher ka notification download kare

Indian army ya Bhartiya sena mein har saal JCO (Junior commissioned officer) ki bharti hoti hai jismen Religious teacher jaise Pandit/Pujari, Maulvi (Sunni aur Shia), Padri aur Granthi ki vacancy nikalti hai.

Army mein dharmik teacher ya religious teacher kya karte hai

Dharm guru army mein dharam ki seekh dete hai aur dharam se jode reeti riwaz, pooja, dua aur prayer karte hai. Woh antim kriya, beemaron ka manobal badhana aur bachon ko dhara, ka gyaan bhi dete hai.

Click karke topics chun sakte hai

Religious teacher ke liye eligibility aur qualifications

Religious teacher ke liye apply kaise kare

Religious teacher selection process

Toh aaiye aaj hum jaante hai Religious teacher vacancy ke bare mein vistar se

Other Indian Army bharti ki post ke liye apply karna chahte hai toh yahan jaayein

Religious teacher vacancy eligibility

Age

25 saal se 35 saal 1 October 2019 ko. Matlab aap ki janam tithi 1 October 1986 se 30 September 1995 ke beech honi chahiye.

Educational qualification

Sab post ke liye aap graduate hone chahiye. Iske alawa aapke paas pad ke anusaar yeh dharmic qualification bhi honi chahiye

Pandit (118 post) aur Pandit Gorkha qualification (7 post)

Hindu candidate jo Sanskrit mein Acharya ho ya Sanskrit mein Shastri jiske paas 1 saal diploma ‘Karam Kand’ mein ho

Sikh Granthi qualification (9 post)

Sikh candidate jiske jo ‘Gyani’ ho Punjabi mein

Maulvi Sunni (9 post) aur Maulvi Shia (1 post) qualification

Muslim candidate Maulvi Alim Arabic ya Maulvi Alim Urdu mein

Padre ya Padri (4 post) qualification

Ordained priest jo local Bishop ki approved list pe ho

Bodh Mahayana (4 post) qualification

Bodh monk ki upadhi jinko mili hai Head Monk se. (Head monk ke paas Geshe (PhD) Khampa, Lopon ya Rabjam)

Physical / Medical

Civil candidates ko army physical standard ke anusar fit hona chahiye. Chest 5 cm expansion aur daant mein kam se kam 14 dental points hone chahiye. Candidates ko hydrocele, varicose veins aur piles jaise rog nahi hone chahiye

Height, weight aur chest

Religious teacher vacancy ke liye kaise apply kare

Online application (Pandit, Granthi, Maulavi Sunni ke liye)

Last date 29 October 2019

Civil candidate (jo army mein nahi hai) ko joinindianarmy ke website pe online apply karna hoga.

Step 1: Pehle aap neeche clIck karke joinindianarmy website ke check eligibility page pe jao

Step 2: Captcha dal ke aap site mein enter karo

Step 3: Online form mein apni details dalo aur phir Check Eligibility ke button pe click karo. Agar aap eligible ho to neeche religious teacher ka post milegi aur aap phir green Apply button pe click karke apply kar sakte ho

Step 3: Login page aa jayega jahan aap apni details dal ke apply kar sakte hao

Written application (Pandit Gorkha, Maulvi Shia aur Bodh Mahayana)

Agar aap Pandit Garkha, Shai Maulavi ya Bodh Monk ke liye apply lar rahe ho to aapko written form bharna hoga aur center mein jake submit karna hoga.

Yeh form notification ke page 9 se 11 pe hai

Yahan click karke religious teacher 2019 vacancy ka notification download karo

Gorkha pandit ko form Gorkha recruitment center Kunraghat (Gorakhpur UP) mein submit karna hoga

Shia Maulvi jo Ladhaki hone chahiye ko Ladakh Scout Regiment center, Leh mein form submit karna hoga

Bodh Monk ko Ladakh Scout Regiment Center, Leh mein form submit karna hoga

Religious teacher vacancy ka selection process kya hoga?

Form bharo

Pehle aapko application bharni hogi (Online ya written)

Jo candidates qualify kar jayenge unko Admit Card Milega aur unko screening ke liye bulaya jayega

Screening aur physical test

Admit card mein screening center aur date di hogi jahan aap ko hazir hona hoga.

Center mein documents check kiye jayeinge aur physical test hoga jismein daud lagano hogi

1600 meter daudna hoga 8 min mein

Pahadi ilake mein riyata di jayegi agar height center ki 5000 se 900 feet pe hai to 8 min 30 seconds aur agar height 9000 foot se 12000 foot tak hai to 10 min mein 1600 meter daudna hoga

Written test

Jo log qualify karenge unko 23 Feb 2020 ko written test dena hoga

Yeh test 2 part ka hai, part 1 mein general awareness ke 50 questions honge. Sahi jawab pe 2 marks aur galat question pe negative marking hogi 0.5 marks ki. Part 2 mein religious ya dharam ke sawal honge jismein 50 question honge, 2 marks ka ek question aur negative marking 0.5 marks ki

Yahan click karke aap religious teacher exam ka syllabus download kar sakte ho

Paper 1 qualification ke liye hai isme 40% marks chahiye. Jin logon ke paper 2 mein 50% hai unko interview ke liye bulaya jayega

Interview

Jo candidate paper 1 mein 40% layeninge unka paper 2 check kiya jayega aur jo 50% se zyada marks layeinge unko Bangalore ya Varanasi mein interview ke liye bulaya jayega.

Final merit list paper 2 aur interview mein marks pe banayi jayegi

Agar aapko koi aur sawal hai to aap comment karke puch sakte hai.

Jai hind!