Har insaan ko zaroorat hoti hai job ki, par job milne ke liye apko interview clear karna padhta hai. Ab interview milne ke liye bhi bahut competition hai. Toh interview mil jane ke liye jo aapki help kar sakta hai, vo hai resume. Isliye effective Resume Kaise banaye ya phone se resume kaise banaye, seekhna kaafi zaroori hai.
Resume acha hona isliye bhi zaroori hai kyuki recruiter aap ka pura resume nahi padhta hai har baar. Vo 10 seconds ke liye apka resume dekhega or usme hi vo decide karega ki interview milna chahiye ki nahi iss candidate ko.
Iske sath hi resume har jagah lagta hai toh isko banane ka tarika bhi easy ho toh kaafi fayda ho sakta hai. Isly sikhe resume kaise banaye mobile se or paaye apne mann ki jobs.
Resume Kya hai ?
Resume ek vo document hai jo ek person banata hai or use karta hai apne skills, accomplishments or background ko present karne ke liye. Isme bahut saare reasons ke liye use ho sakta hai but sabse zyada naye jobs or employment ke liye use hota hai.
Resume help karta hai aapko introduce karwane me employers se. Yeh aapke qualifications batata hai or fir interview dilwane me bhi help karta hai.
Yeh showcase karta hai aapke experience, education or skills uss format me jo recruiters padh sakte ho, isliye effective resume banana sikhe mobile se or paaye jobs. Or agar aap phone me resume kaise banaye seekh lete hai toh aapka kaam or asan hojaega.
Detail mai jaanne ke liye ki Resume hota kya hai, yaha click kare.
Resume Kyun zaroori hai ?
Resume isliye zaroori hai kyuki iske bina apko koi interview ke liye invite nahi karega. Yeh vo sabse pehli cheez hai jo recruiter ke pass jaati hai apko evaluate karne ke liye.
Agar aapka resume acha or effective nahi hai, toh recruiter usse impress nahi hoga or koi bhi interview me aap ko chance nahi milega. But agar aapka resume readable or impressive hai toh aapke chance badh jaate hai interview milne ke.
Resume ek marketing document ki tarah act karta hai, isliye isko iss tarah ready karna chahiye ki recruiter ke mind par favourable impact padhe. Iss article me apko seekhne ko milega ki resume kaise banaye mobile se bahut hi jaldi or easily.
Resume Kaise Banaye Phone se – Important Tips
1. Professional Font and Format use kare
Agar aap ka resume ek mess jesa ho raha hai toh wo definitely reject hoga. Isliye apne resume ko sirf professionalism show karne ke liye use kare or format sahi use kare. Usko easily readable banaye.
Line spacing proper rakhe or proper grammar or sections use kare.
Proper or easy-to-read fonts ka use kare. Agar koi hyperlink use kari hai resume me, toh check kare ki vo live hai ki nahi. Spell check ka use kare or saari spelling or grammar correct rakhe. Aur agar aap mobile se resume banana seekh lete hai toh apko inme se bahut kum chizo ka dhyan rakha padega.
Yeh bahut hi important point hai kyuki agar grammar mistake hoti hai yaa format theek nahi hota hai toh yeh acha impression nahi daalta hai interviewer par. Or directly reject karwa dega.
Yeh sab chizo ko dhyan me rakh kar banaye resume or silly mistakes ko avoid kare. Also, Resume ko PDF format me save or share kare taaki formatting issues naa aaye.
Inn sab ke liye online bhi resource available hai jinka use karke hum easily or acha resume bana sakte hai. Usme automatic formatting bhi hojati hai or kaafi options bhi available hote hai jisko choose karke sirf data feed karna hota hai or resume ready hojata hai or phone se bhi resume bana sakte hai .
Try Resume Builder – Free Resume Builder.
2. Active Language use kare & Top Part of Resume par Focus kare
Active language use karna matlab power words use karna, jese achieved, earned, complete, etc. Or agar aapke sentence kaafi lengthy hai toh unhe short or precise rakhne ka try kare.
“Very” or “a lot” jese words ko eliminate karne ki koshish kare kyuki inke use se apka effective resume nahi hoga.
Casual words or detailed description avoid kare or unko power words se replace kare. Authenticated achievements mention kare or unke proof interview ke time par ready rakhe.
Agla important point, apne resume ke top portion me focus kare. Humare phone me bhi hum content top portion se read karna start karte hai or 2-3 lines se judge karlete hai.
Similar process recruiters use karte hai, isliye top portion of resume ko eye-catching banaye.
Apke resume ka top ⅓ part ko essa design kare ki vo attention grab kare easily. Resume me summary add kare ya koi clever headline bhi use kar sakte hai but headline appropriate honi chahiye.
Also, point to point description ka use kare and follow reverse chronological order, matlab apne sabse recent experience ko sabse pehle likhe. Yahi order education specify karne me bhi use kare.
Iske sath hi agar aap phone se resume kaise banaye jante hai toh usme aap ko alag alag teplates mil jayenge or aap unme se ek choose karege or apka resume bhi usi format ka banega.
Resume kaise banate hai aur kya format use karna hai jaanne ke liye yaha click kare.
3. Relevant Information Use kare & Job posting me se keywords use kare – Effective Resume ke liye sabse Important
Relevant information search kare or unhe hi mention kare apne resume me. Irrelevant or inappropriate information add karne se bache. Isse recruiter ko directly samajh aayega ki aap role ke liye kyu suitable ho.
Complicated language or baat ko ghuma kar mention na kare. Yeh strictly bahut saare rejects ka karan hota hai. Apne resume me direct or precise cheez hi add kare, kyunki recruiters ke paas itna time nahi hota ki vo aapka pura resume ko ache se padhe.
Vo sirf upar se nazar ghuma kar dekhte hai or agar apka resume interesting lagta hai toh use pura dekhte hai ache se varna reject kardete hai.
Time kam hone ke karan essa prefer bhi karte hai ki resume chota hona chahiye. Recruiter ke pass itna time nahi hota ki pura bada resume judge kare, bhalae aapke pass 10 years ka experience hi kyu na ho. Isliye apne resume ko 1 page ka hi rakhe.
Iske alawa apne resume ko alag represent karne ke liye or interview milne ke chance increase karne ke liye: Job posting me se bhi keywords find kare or unhe resume me add karne ki koshish kare.
Job Posting me se Keywords add karne se aap recruiter ko yeh suggest karenge ki aap kyu suitable ho uss role ke liye. Kuch organisation me resume shortlist kuch software ke through bhi hota hai. Vo software bhi resume, keywords ke basis par hi shortlist karta hai.
Apne resume me keywords add kare job posting ko review karne ke baad. Resume precise and accurate or proper length ka rakhe. Heading or fonts esse rakhe jo attention grab kar paye. Isliye phone se effective resume kaise banaye seekhna bahut asan hai or zaroori bhi.
4. Proofread kare
Proofread matlab resume completely ready hone ke baad, usko wapas se proof ke sath judge karna. Saari spelling or grammar mistakes check karna. Heading or contact information correct or active honi chahiye.
Har page par 1 inch ki margin honi chahiye. Line spacing accurate honi chahiye. Font zyada chote ya zyada bade bhi nahi hone chahiye. Resume me sections hone chahiye.
Experience bullet form hona ek plus point hoga. Isse banaye resume jo apki probability badhaye interview ke liye.
Proofread ke liye ya toh aap khud hi apna resume pura observe kare relax ho kar or mistakes improve kare. Iske alawa, aap apne kisi mentor ko bhi bhej sakte hai proofread ke liye.
Iske sath hi aap try kar sakte hai ki apko koi third-party feedback mil jaye. Iss feedback ko bhi aap apne resume me add kar sakte hai. Quietly observe kare resume and feedback or fir jo relevant information lage vo add kare.
Irrelevant or lengthy feedback daalna avoid kare.
Also apne resume me number or percentages add karne ka try kare. Koi online certificate available hoto uski bhi link share kar sakte hai. Isse banaye effective or attractive resume.
Another important tip: Apne resume file ka name simply “resume” na de. Iski jagah, “your_name_resume” format ka use kare. Yeh ek bahut hi minor but important chiz hai. Iske saath hi apna online presence bhi clean rakhe. LinkedIn ya koi or profile bhi updated rakhe.
5. Yeh sab zaroor include kare
Resume kaise banaye mobile se? Iske liye apko app mil jaege but inn points ka bhi dhyan rakhe.
Apne resume me sabse pehle to contact information specify kare. Apna name, email, phone number, address, website, linkedIn profile, sab correctly mention kare or vahi mention kare jo active ho or cleaned up ho kyuki yaha se apki recent updates monitor kiye jayenge
Iske baad ek short summary add kare jo aapki job posting se related hogi. Usme specify kare ki aap kyun suitable hai iss role ke liye. Usko short and precise rakhe or appropriate likhe. Job posting me se keywords use kare summary me.
Now, Education section add kare. Iss section me apni education reverse chronological order me likhe.
Recent or ongoing sabse pehle likhe. Apne education ka type (Higher secondary, senior secondary, undergraduate), university ka name, affiliated organisation, joining and passing year or grades mention kare har education ke sath.
Agla important section skills and hobbies ke liye hoga. Isme apni hobbies mention kare or dancing, singing ke alawa kuch mention kare. Hobbies mention karna optional bhi consider kar sakte hai.
Skills mention karna kaafi important hai. Relevant skills add kare or unnecessary skills avoid kare.
Next section Experience or volunteer works ko represent karega. Iss section me apne saare relevant work experience ko flaunt kare. Apne volunteer work ki bhi abstract details de. Koi online project available ho apka toh uski bhi link provide kare.
Last Section, Achievements ke liye hoga. Isme saare ranks, trophies, certificate and position add kare unke month/year ke sath.
Saari information strictly relevant honi chahiye. Irrelevant information se resume direct reject hoga, isliye inhe follow karke effective resume banaye. Jab aap mobile se resume banaege toh automatically vo apko yeh saari chize fill karne ko bolega or apka resume ready kar dega.
Aise Banaye Resume mobile se
Resume kaise banaye mobile se ? Iss question ka simple answer apko google play store ke resume builder app par bhi mil jayenge. Koi bhi resume builder download kare, jese Resume Builder 2020.
Download hone ke baad, select kare create wala option.
Iske baad apke pass saare section ki list aayegi.
Usme se alag alag sections select kare or usme apni details fill kare.
Jese personal details me name, address, email, phone number daal sakte hai.
Iske baad education section me University/school name, grade/score, year or major field of study daal sakte hai. Isme aap multiple education bhi add kar sakte hai. Higher secondary ke liye alag or senior secondary ke liye alag or graduation ke liye alag.
Iske baad skills bhi add kar sakte hai aap. Isme skills ke sath apko khudko rate karne ka bhi option milega uss skill me. Isliye ek skill daal fir usme khudko rate kare fir nect skill daal.
Experience me aapko sabse pehle apna recent job title batana chahiye. Iske sath hi uski joining ya ending date or ek short job description. Job Description me aap ko ye batana hoga ki aapka uss organization me role kya tha or apne kya kaam kiya, apki daily responsibility kya thi. Isme bhi multiple experiences daal sakte hai but dhyan rakhe ki relevant experience hi daale.
Inn saari details fill karne ke baad choose kare ek template.
Different templates try kare or choose kare vo jo apko sabse suitable lage. Sab final or ready hone ke baad download kare or share kare.
Conclusion
Iss article me batayi hui Resume banane ki tips kaafi famous or basic hai. Iska use karke banaye hue resume bahut hi alag dikhte hai or opportunity milne ke chance badh jaate hai or phone se resume banana kaafi easy bhi hai. Aasha hai ki aapne sikha hoga ki Phone me Resume kaise banaye.
Toh ab aap ko sochna nahi padega ki Resume Kaise Banaye mobile se ? Inn steps ko follow kare or banaye ek resume jo sabse apke liye effective hoga.
