Rajasthan Police mein constable ke alava Sub Inspector (SI) ki post hai jise up nirikshak kaha jata hai. Saath hi Rajasthan Police Sub Inspector Recruitment mein kuch aur bhi post hote hai jiske baare mein aaj hum baat karne waale hai. SI ke alava SI (pravartak), SI Technical, Assistant SI Technical, Assistant SI Cypher, Assistant SI Fitter ki bhi post nikalti hai. Toh chaliye Rajasthan Police SI Vacancy/Rajasthan SI Bharti ke baare mein jaante hai.
Latest SI bharti aa chuki hai.
Latest SI bharti aa chuki hai.
Rajasthan Police Constable Bharti aa chuki hai
Iss article mein aap jaanenge…
SI Bharti 2020 Ki Important Dates
Rajasthan Police SI Qualification
Rajasthan Police SI Physical Standard aur Eligibility
Form Bharne Ke Liye Jaruri Documents
Rajasthan SI Selection Process
Rajasthan Police SI matlab sub inspector mein bahut saari profile hoti hai aur uske liye bharti nikalti hai.
2020 ki Rajasthan SI bharti ki notification aa chuki hai jiski notification niche dekh sakte hai. Iss bharti mein SI aur Platoon Commander ke liye total 68 posts nikali hai.
Bata de ki yeh bharti sports quota ki bharti hai jismein interested candidates apply kar sakte hai.
📝 Notification Download Karein
🔖 Rajasthan Police Constable Bharti
Rajasthan Police Sub Inspector Bharti 2020 Ki Important Dates
SI ki iss bharti mein apply karne ki date aap niche dekh sakte hai.
- Apply karne ki date: 7 January 2020
- Apply karne ki last date: 6 February 2020
Rajasthan Police SI Qualification
Rajasthan Police SI Recruitment mein educational qualification alag-alag profile ke liye alag-alag hoti hai jiske baare mein aap niche table mein dekh sakte hai.
| Post | Minimum Qualification |
| Sub inspector (Pravartak) | Kisi bhi recognized university se physics aur maths ke saath BSc yaa koi equivalent degree. Yaa State Police telecommunication directorate ki 2nd category operator exam pass aur 2nd category operator ke roop mein 2 saal ka anubhav. |
| Sub inspector (Technical) | Kisi bhi recognized university se physics aur maths ke saath BSc yaa koi equivalent degree. Yaa Recognized institutes se radio telecommunication engineering/electrical communication engineering mein diploma ya equivalent degree. Yaa State Police telecommunication directorate ki 2nd category technician exam pass aur 2nd category technician ke roop mein 2 saal ka anubhav. |
| Assistant Sub Inspector (Technical) | Kisi bhi recognized university se physics aur maths ke saath BSc yaa koi equivalent degree. |
| Assistant Sub Inspector (Cypher) | Kisi bhi recognized university se physics aur maths ke saath BSc yaa koi equivalent degree. |
| Assistant Sub Inspector (Fitter) | Kisi bhi recognized institutes ka fitter/electrician syllabus ka eligibility certificate. Yaa State Police telecommunication directorate Rajasthan ki 3rd category fitter/electrician exam pass aur 3rd category fitter/electrician ke roop mein 2 saal ka anubhav. |
Note: Applicants ko Devanagari script mein hindi lekhan (writing in hindi) ki practical knowledge aur Rajasthan ke culture ka gyaan hona jaruri hai.
Rajasthan Police SI Physical Standard aur Eligibility
Police ho ya koi anya aisi naukri jismein aapki body achhi aur fit honi chahiye usmien physical standard aur eligibility bhi dekhi jaati hai. Rajasthan Police SI Recruitment mein bhi kuch eligibility criteria hai jo fulfill karna hoga.
Rajasthan Police SI Vacancy ke liye Age limit
| Category | Age limit |
| General | Male 18 se 23 – Female 18 se 28 |
| SC/ST/OBC/MBC | Male 18 se 28 – Female – 18 se 33 |
| Duty ke dauran jinke police father ki death ho gayi ho ya state officer | Male 18 se 29 – Female 19 se 31 |
| Ex – serviceman | Male 19 se 40 – Female 19 se 40 |
Physical standard
| Category | Height | Chest | Weight |
| General/SC/ST | Male: 168 cm Female: 152 cm | 81 cm (bina phulaye) 86 cm phulakar (Sirf male ke liye) | 47.5 kg (Sirf female ke liye) |
| Hill area aur adivashi ke liye | Male: 162 cm Female: 152 cm | 79 cm (bina phulaye) 84 cm phulakar (Sirf male ke liye) | 47.5 kg |
Matlab table mein dekh sakte hai ki weight sirf female applicants ka hi dekha jayega purusho ka nahin jabki chest measurement sirf male candidates ki hi ki jaayegi.
Jo ummidwar hill area aur adivashi kshetra se hai unko relaxation diya gaya hai.
Note: Agar general category ke liye batayi gayi physical standard ke anusar SC/ST ke candidates available nahin hote hai toh unhe height aur chest mein 5 cm ka relaxation diya jaayega.
Medical criteria
Rajasthan Police SI Vacancy mein candidate ki dono aankho ka vision 6X6 bina chashme ke hona anivarya hai.
Candidate maansik roop se jagruk, healthy hona chahiye matlab koi rog nahin hua hona nahin chahiye.
Candidates ke ghutne aapas mein takraane (Knock-knee), nase phooli hui hona (varicose veins), bhaingapan (squint), rataundhi (night blindness), color blindness, haklakar bolna (stammering), flat foot ya anya koi aisi sthiti ahin honi chahiye.
Rajasthan Police Apply Online
Ab hum baat karenge ki Rajasthan Police SI Recruitment ka online form kaise bhara jayega aur uske liye kya-kya jaruri hota hai. Toh niche diye steps ko follow karein.
1) Sabse pahle candidates ko official website par jana hai jo yeh link hai https://rpsc.rajasthan.gov.in/
2) Iske Candidates ke saamne website khul jayegi aur upar left side mein ‘Apply Online’ ka option dikhai dekha jahan click karna hoga. Dhyan rahe jinhone pahle se register kar diya hai wo login karein apne E-mitra ID aur password se. Agar aapne pahle se registration nahin kiya hai toh ‘Registration’ par click karna hai.
3) Sahi se form bharne ke baad login karke form bhar sakte hai.
4) Form bharne ke baad candidates apne application form ko ‘Application Preview Page’ par click karke check kar sakte hai.
5) Achhe se bharne se aur check karne ke baad aapko ‘Submit’ button par click kar dena hai.
6) Application bharne ke baad aapko application fee pay karni hoti hai.
Note: Rajasthan Police SI post ke liye apply karne ke liye SSO ID hona jaruri hai. Agar aapke paas id nahin hai to aap Yahan Click karke bana sakte hai.
Rajasthan SI Selection Process
Inn saari jaankari ko jaanne ke baad ab baari aati hai selection process ki matlab ab hum Rajasthan Police SI Recruitment Selection Process ke baare mein jaanenge jo aapko clear karne honge.
Selection Procedure mein candidates ko kuch steps ko clear karna hota hai jo yeh hai.
Exam ke sabhi stage ke 450 marks hai jismein written ke 400 aur interview ke 50 honge.
| Exam | SI (pravartak) | SI (Tech) | Ass. SI (Tech) | Ass. SSI(Cypher) | Ass. SI (Fitter) |
| Written Exam | 400 | 400 | 400 | 400 | 400 |
| Interview | 50 | 50 | 50 | 50 | 50 |
| Total marks | 450 | 450 | 450 | 450 | 450 |
Selection process mein inn stage se gujrana padega –
- Written exam
- Physical standard aur Efficiency test
- Interview
- Merit list
- Medical test
- Document verification
1. Written Test
Sabse pahle Rajasthan Police SI Recruitment mein written test hota hai. Yeh 2 parts mein hoti hai. Ise knowledge test bhi kahte hai jisse clear karne waale agle stage mein jaate hai. Written test mein 400 marks hote hai. Yeh exam objective type mein hoti hai.
Note: (i) Galat jawab dene par ½ marks cut kar diye jaayenge.
(ii) Sub inspector aur assistant sub inspector ke liye written exam mein bhaag ‘A’ General study 75 question 150 marks aur bhaag ‘B’ Theoretical topics 100 question 250 marks ka hoga.
(iii) Candidates ko pass hone ke liye kam se kam 40% marks laane honge.
(iv) SC/ST ke candidates ko written exam mein 5 marks ka relaxation diya jaayega.
2. Physical standard aur Efficiency test
Written exam mein pass hone waale applicants ko PST aur PET ke liye bulaya jata hai. Ismein maap taul aur efficiency test hoga jise clear karna jaruri hai agar agle stage mein jaana hai toh.
Board dwara jo candidates height, weight aur chest etc mein fulfill honge unhe efficiency (dakshta) test ke liye bheja jaayega. Candidates ko iss test mein jaane se pahle State Medical se PET ki running mein bhaag lene hetu physically fit hone ka certificate related center par dena hoga. Iske baad hi unhe iss test mein shamil kiya jaayega.
Note: Yeh test 100 marks ka hoga.
Male candidates ke liye dakshta pariksha
| S. R. | Subject | Time | Marks |
| 1. | 100 meter race | 14 seconds | 40 |
| 15 seconds | 25 | ||
| 16 seconds | 15 | ||
| 16 seconds se adhik | 0 | ||
| 2. | Long jump | 15 feet aur adhik | 30 |
| 15 feet | 20 | ||
| 13 feet | 10 | ||
| 13 feet se kam | 0 | ||
| 3. | Chining ups | 7 | 30 |
| 6 | 20 | ||
| 5 | 10 | ||
| 5 se kam | 0 |
Female ke liye dakshta pariksha
| S. R. | Subject | Time | Marks |
| 1. | 100 meter race | 17 seconds | 40 |
| 18 seconds | 25 | ||
| 19 seconds | 15 | ||
| 19 seconds se adhik | 0 | ||
| 2. | Long jump | 10 feet aur adhik | 30 |
| 9 feet | 20 | ||
| 8 feet | 10 | ||
| 8 feet se kam | 0 | ||
| 3. | Shot puts | 16 | 30 |
| 15 | 20 | ||
| 14 | 10 | ||
| 14 se kam | 0 |
Ex-serviceman candidates ke liye dakshta pariksha
| S. R. | Subject | Time | Marks |
| 1. | 100 meter race | 17 seconds | 40 |
| 18 seconds | 25 | ||
| 19 seconds | 15 | ||
| 19 seconds se adhik | 0 | ||
| 2. | Long jump | 13 feet aur adhik | 30 |
| 12 feet | 20 | ||
| 11 feet | 10 | ||
| 11 feet se kam | 0 | ||
| 3. | Chining ups | 5 | 30 |
| 4 | 20 | ||
| 3 | 10 | ||
| 3 se kam | 0 |
Iss test mein candidates ko 50 ya isse jyada marks laane honge tab jaakar unhen agle stage mein mauka milega. Agar koi yeh exam clear nahin kar paata hai toh unhe aage ke stage se baahar kar diya jaayega.
Interview
Sub inspector ki inn alag-alag profiles ke liye interview bhi dena padta hai jiske liye total 50 marks hote hai. Interview ko clear karna jaruri hai.
Merit List
Iss tarah written aur interview ke marks ke aadhar par candidates ki merit list nikaali jaati hai.
Medical Test
Toh jab merit list ke aadhar par shortlist ho jaayegi toh baad mein medical test conduct kiya jaayega. Ismein medical board dwara fulfill paaye gaye candidate hi iss test ke liye yogya honge.
Note: Ismein jo candidates fall ho jaate hai unhen doosra mauka mil sakta hai agar wo medical board se appeal form bhare toh. Iske liye 1 mahine ka time mil jaata hai.
Document verification
Rajasthan Police SI vacancy mein selection process ka sabse last stage hai document verification. Ismein documents ke alava aapke character ka bhi verification hoga.
Ismein jo mangwaye jaayenge wo sab documents lekar jaana hoga aur waha verification roll bharwaya jaayega. Aur phir charitra (character verification) hoga. Ismein sahi paaye jaane waale hi appointment ke yogya honge.
Yeh hai SI bharti ke liye jaruri documents
Yeh toh aapko bhi pata hoga ki kisi bhi sarkari naukri ke liye apply karne ke kuch documents ki tarurat hoti hai aur Rajasthan Police SI ke liye bhi aapko niche bataye gaye documents chahiye honge.
Applicants ko physical efficiency exam ke time yeh documents dene honge.
(i) Educational certificates
(ii) Age certificate (agar education certificate par age nahin hai toh)
(iii) TSP ke candidates (General/SC/ST) ka certificate.
(iv) Applicant agar Rajkiya karmchari hai toh iska certificate hona jaruri hai.
(v) Yadi candidate kisi aise police man ki santan hai jiske father iss duniya mein nahin rahe toh iske liye unki santan hone ka certificate dena hoga.
(vi) Rajasthan Police SI vacancy mein character certificate jo 6 mahine se jyada purana nahin hona chahiye.
(vii) Jo khiladi hai unhe Rajasthan state ka domicile certificate dena jaruri hai.
(viii) Ex serviceman certificate/pensionar hone ka praman patra.
(ix) 2 photo jiski size (4.5X3.5 cm) honi chahiye.
🔖 Rajasthan Police Constable Bharti
Toh humein yahi ummid hai ki aapko Rajasthan Police SI Recruitment/Vacancy ke baare mein achhe se pata chal gaya hoga aur phir bhi koi sawal poochna hai toh aap niche comment box mein jaakar pooch sakte hai.
I m student of final year b.tech
Can i apply for sub inspector Rajasthan 2020
Graduate pass hone chahiye aur iss post ke liye
Muje Exam Ki date k notification chaiye ki kb aati h is exam ki bhrti uske liye kya krna pdega
abhi latest bharti nahin aayi hai, jab aayegi toh aapko bata diya jaayega.