SSC ka full form Staff Selection Commission hota hai, yeh ek organisation hoti hai Government of India ke under jo staff ko recruit karti hai alag alag posts ke liye alag alag Ministries, Departments aur Subordinate Offices ke liye. SSC 1977 mein establish hui thi. Iss commission ko ek Chairman head karte hain, useke saath do members aur ek Security-cum-Controller of Examination jo Chairman ki madad ke liye hote hain. Staff Selection Commission ka Headquarters New Delhi mein situated hai, iske alawa SSC ke regional offices bhi hain jo exams ko binna kissi mushkil ke conduct karwane mein madad karte hain. Inn regional offices ki locations hain:
- Allahabad
- Mumbai
- Kolkata
- Chennai
- Delhi
- Guwahati
- Bangalore
Iske alawa SSC ke do sub-regional offices bhi hain Raipur aur Chandigarh mein.
SSC recruitment ke liye competitive exams conduct karwate hain jinn ke basis pe candidates ko recruitment allot hoti hai. SSC 20 se zyada job profiles offer karti hai jo group B se leke group C mein aati hain. SSC bharti humare desh mein ek bhahut hi lokapriy cheez hai jahan har saal lakhon log apply karte hain magar kuch hi hazar select hote hain.
SSC ki basic Eligibility criteria graduation, kissi bhi stream mein, ek recognised university se hoti hai. Physical Fitness aur Measurement sirf kuch hi posts mein chahiye hoti hai, jaise ki Sub-Inspector aur Narcotics Departmet.
SSC ke Functions
- Recruitment karna Group B aur Group C ke posts ke liye.
- Inn recruitments ke liye exams aur interviews conduct karwana
- Departmental exams conduct karwana promotions ke liye ek lower division se leke ek higher division ke liye.
- Periodical typewriting tests conduct karwana Hindi aur English mein.
SSC ke Exams
Jaisa ki humne pehle padha SSC alag alag exams conduct karwati hai posts ke recruitment ke liye, inn exams ke prakar hain- CGL, JE, Steno, CHSL, CPO, MTS.
SSC CGL: CGL ka full form hota hai Combined Graduate Level Examination. Iss exam koi bhi candidate kissi bhi graduation ke baad de sakta hai. Iss exam ko clear karne ke baad ek qualified candidate ko jo posts offer hoti hain woh hai- Food Inspector, Auditor, Income Tax Officer, etc.
Eligibility
Iss exam ke liye qualify karne ke liye ek candidate ke paas uski graduation ki degree hona bahut jauri hota hai. Iss field mein age limit alag alag posts ke liye alag alag hoti hai, magar zyada age criteria 18 saal se leke 30 saal tak ki hoti hai.
Iss field se juri zyada jaankari pane ke liye neeche diye hue link pe click karein. SSC CGL Recruitment
1)SSC JE: JE ka full form hota hai Junior Engineer, iss exam ko clear karne ke baad ek candidate qualify hojata hai Junior Engineer ki post pe kaam karne ke liye alag alag departments mein Government of India ki.
Eligibility
Iss post ke liye candidate tabhi apply kar sakta hai jab uske paas engineering mein graduation ya diploma ho. Iss field ke posts ke kuch udaaharan hain- central water commission, military engineering services, aur etc.
Iss field se juri zyada jaankari pane ke diye gaye link pe click karein.
SSC JE Recruitment ke liye click kare
2)SSC CHSL: CHSL ka full form Combined Higher Secondary Level Examination hota hai. SSC yeh test unn students ke liye conduct karwata hai jo apni 12th class ke baad kaam karna chahate hain. Iss exam ko clear karne ke baad candidates jinn posts mein kaam kar sakte hain woh hai- LDC, Clerk, etc.
Eligibility
Iss field mein aage bharne ke liye candidates ko basic qualification criteria clear karna padta hai jo hai 12th paas kissi bhi recognised board se. Iss exam ki age limit 18 saal se leke 27 saal tak ki hoti hai. Iss field mein zyada jaankari pane ke liye click karein diye gaye link pe.
SSC CHSL Recruitment ke liye click kare
3)SSC Steno: Yeh stenographer ki post ke liye hota hai. Stenographer woh hota hai jo courtroom ya legal proceedings ke dauraan spoken words ko type kare steno machine ki madad se.
Eligibility
Iss exam ki age limit 18 saal se leke 30 saal tak ki hoti hai aur educational qualification iss exam ke liye sirf 10 + 2 ki hoti matlab koi bhi candidate jo 12th paas ho kissi bhi recognised board se woh iss exam ke liye apply kar sakta hai. Iss exam se juri aur zyada jaankari pane ke liye diye gaye link pe click karein.
SSC Steno Recruitment ke liye click kare
4)SSC CPO: CPO ka full form hota hai Central Police Organisation. Yeh exams unn candidates ke liye conduct karwaya jata hai jo Sub-Inspector ki post mein interested ho. Iss paper ke duwara aap jinn posts ke liye apply kar sakte hain woh hainn- CISF, BSF, CRPF, aur etc.
Eligibility
Iss exam mein appear karne ke liye candidate ke paas unki bachelor degree honi jaruri hoti hai kissi bhi recognised university se aur iss exam ke liye age limit 20 saal se leke 40 saal tak ki hoti hai. Iss exam se juri aur zyada jaankari pane ke liye diye gaye link pe click karein.
SSC CPO Recruitment ke liye click kare
5)SSC MTS: MTS ka full form Multi Tasking Staff hota hai. Inn posts ke liye minimum qualification 10th class tak ki hoti hai.
Eligibility
Iss exam mein appear karne ke liye ek candidate ko age limit ka criteria satisfy karna padta hai jo 18 saal se 25 saal tak ka hota hai, iss exam ke liye educational qualifications baki SSC ke exams ke duwara kam hoti hai. Koi bhi candidate jissne apni 10th class paas karli ho kissi bhi recognised board se woh iss exam mein baithne ke liye qualify kar lete hain. Iss exam se juri zyada jaankari pane ke liye diye gaye link pe click karein.
SSC MTS Recruitment ke liye click kare
6)SSC GD Constable
Iss exam ko clear karne ke baad GD Constable ki post milti hai. Iss bharti mein constable ki post alag alag forces mein hoti hai: Constable (General Duty) in Border Security Force (BSF), Central Industrial Security Force (CISF), Central Reserve Police Force (CRPF), Indo Tibetan Border Police (ITBP), Sashastra Seema Bal (SSB), National Investigation Agency (NIA) and Secretariat Security Force (SSF) and Rifleman (General Duty) in Assam Rifles.
Eligibility
SSC GD ki post ke liye kam se kam 10th class pass hona zaruri hai aur iski age limit hai 18 saal se 23 saal tak ki honi zaruri hai.
SSC GD Constable Recruitment ke liye click kare
7) SSC Junior Hindi Translator
SSC JHT Group ‘B’ Non Gazetted post hai aur iss post mein bahut se sarkari offices (various Ministries/ Departments/ Organizations ) mein Hindi Translator ki job hoti hai. Isme A,B,C,D,E,F Post ke liye recruitment hoti hai jiske liye age limit hai 30 years tak ki (general category).
Eligibility
SSC JHT ke liye Master degree (Post Graduation) chahiye hoti hai.
SSC JHT Recruitment shuru ho chuki hai. Apply karne ke liye click kare
