Engineer kaise bane?

Engineering ek aisa career option hai jiski sabse jyada demand hai. Iss field mein competition bahut jyada hai lekin phir bhi humare desh mein bahut se students engineer banna chahte hai. Agar aap aache college se padhai karte hai aur aap apne field mein skilled hai toh isme aapko salary kaafi aachi mil sakti hai.Engineer kaise bane uske alawa bhi Iss field mein jaruri yeh hai ki hum preparation kaha se kab se karein aur bhi bahut saari baatein jo ki hum aapko vistaar se iss article mein bataenge.

Iss article mein hum aapko batayenge –

Engineering kya hota hai aur iske types

Engineer ke liye jaruri qualities

Engineering ke liye eligibility aur entrance exams

Engineering colleges

Engineering courses

Engineering job options and salary

Engineering kya hota hai aur iske types

Engineering ek aisa field hai jisme science aur maths ki sabse jyada jarurat hoti hai. Iss field mein padhai kaafi saari cheezon mein hoti hai jaise ki machines, engines, structures, buildings. Industries aur factories day by day badti jaa rahi hai aur technology aur bhi develop hoti jaa rahi hai. Engineering mein bahut se options aagye hai ab aur aap apne interest ke anusaar uss field ko choose kar sakte hai.

Types

Sab yahin sochte hai engineer kaise bane lekin Engineering ek aisa field hai jisme bahut saare options hai aur engineering types bhi bahut saare hai. Types bahut saare hai lekin unnmein se kuch types aise hai jo ki kaafi famous aur demanding jaise ki Computer Engineering,Information Technology, Mechanical Engineering etc. Bahut se students aise hai jo ki apni interest ko dhyan mein nahin rakhte aur popular courses ko choose karne mein lag jate hai jo ki aage jake ek bahut badi problem ban jati hai. Apne interest ko samajhna aur uske according hi course choose karna bahut jaruri hai.

Bahut se logon ko aache se jaankari nahin hoti ki konsa course karein,engineer kaise bane, kahan interest hai aur kahan se preparation karein aur bhi bahut kuch. Engineering mein aaj ke time mein itne saare options hai aur bahut saare options ki toh growth aur demand bhi kaafi aachi hai. Aap jo bhi kar rahe ho usmein interest hona bahut jaruri hai nahin ki bidh chaal mein chalna.Inn mein se kuch popular types hum aapko niche bataenge:-

• Computer Engineering
• Electrical Engineering
• Mechanical Engineering
• Civil Engineering
• Chemical Engineering
• Aerospace Engineering

Computer Engineering

Computer Engineering sabse famous aur demanding course hai abhi ke market mein. Iss field mein competiton bhi sabse jyada hai aur ye job bahut well paying bhi hai. Technology aajkal aur advanced hoti jaa rahi hai aur yeh field kaafi interesting bhi hota hai unke liye jinhe computers aur uske parts aur softwares mein interest ho.Ye degree kar lene se aapko society mein bhi respect milti hai.

Electrical Engineering

Electrical engineering ke course mein electrical devices,systems aur electricity aata hai.Modern electrical engineering mein electromagnetism,transmission se related cheezein aati hai aur iska use factories,industries aur badhe badhe cheezon mein aata hai. Isme sabse jyada practical approach hota hai aur iss field mein kaafi sub fields bhi hote hai.Aache experienced electrical engineers ki market mein demand kaafi jyada hai.

Mechanical Engineering

Mechanical Engineering ek aisa engineering ka branch hai jo ki humare day to day life mein bahut bada role play karta hai. Jo bhi machines hum daily use karte hai wo sahi tarike se planned,designed,manufactured mechanical engineering ke through hi hota hai.Power plants, air conditioning systems, automobiles inn sab cheezon mein mechanical engineering ka bahut use hota hai.

Civil Engineering

Civil engineering sabse purana branch mana jata hai engineering ka aur usme sabse jyada kaam construction se juda hoti hai. Roads, canals, buildings, bridges aur dams kuch aise kaam hai jo ki field ke under aate hai. Iske bahut saare sub branches bhi hai jaise ki structural engineering, bio-mechanics, transportation engineering, atmospheric sciences, water resources engineering, environmental engineering, municipal engineering, materials engineering, geophysics aur control engineering.

Chemical Engineering

Ye engineering ka aisa branch hai jisse ki machines ke madad se chemical reactions kiya jata hai. Isske through bahut se practical problems solve kiye jaate hai aur useful products bhi banaya jata hai. Chemical engineers ka sabse jyada kaam mineral-based industries, petrochemical plants, synthetic fiber units, petroleum refining plants, chemical industries or refineries jaise jagaho mein hota hai.Iss industry ka india mein demand dheere dheere badh raha hai lekin bahar ki desho mein ye bahut demanding job hai.

Aerospace Engineering

Engineering ka wo branch jismein hum aircraft aur spacecrafts ki science,design aur construction karte hai usse hum aerospace engineering kehte hai. Iske do sub branch hote hai: aeronautical engineering aur astronautical engineering. Aeronautical Engineering unn crafts se deal karta hai jo ki Earth ke atmosphere ke undar hote hai aur astronautical engineering unn crafts se deal karta hai jo ki earth ke atmosphere se bahar jata hai.

Engineer ke liye jaruri qualities:-

Engineer kaise bane wo toh humne aapko bata diya lekin Ek engineer mein academic qualification ke alawa bhi bahut saari qualities ki jarurat hoti hai.Unnmein se kuch qualities hum aapko niche bataenge:-

• Problem Solving-Engineers bahut hi practical hote hai ishiliye ye kaha jata hai ki jahan pe dusre logon ko problems dikhta hai engineers ko wahan pe opportunity dekhta hai. Koi bhi problem ki taraf unka practical approach hota hai aur wo apne creative skills se problem jaldi solve kar lete hai. 

• Open mind aur positive attitude- Engineers ko apna behaviour bahut hi optimistic aur imaginative rakhna hota hai. Work Pressure ko handle karne ke liye unn mein positive attitude hona bahut hi jaruri hai.

• Resourceful- Engineers ko apne concepts clear rakhna bahut hi jaruri hota hai kyonki unhe apne course se related cheezon ka jarurat padte rehta hai.

• Cooperative- Engineers ko hamesa ek team manage karna padta hai toh unhe cooperative rehna bahut hi jaruri hota hai taki wo kaam jald se jald pura karf sakhein.

• Strategic Designer- Innovative products banane ke liye proper strategic planning ki jarurat hoti hai. Koi bhi problem ko solve karne ke liye sabkuch samajhna aur plan karna jaruri hota hai taki sahi output aa payein.

Engineering ke liye eligibility aur Entrance exams

Engineering ek aisa field hai jisme bahut padhai karna padta hai aur iss field mein competition bhi bahut hi jyada hai. Koi bhi college mein admission lene ke liye aapko class 12th pass karna jaruri hai. Class 12th mein aapko science stream se bhi hona jaruri hai matlab ki aapke paas science ke subjects aur mathematics hona chaiye. 

Sirf engineer kaise bane sochne se nahin hota aapko uske liye aache se padhai karni padegi aur aache college mein admissions ke liye aapko uss college ya university ka entrance exam bhi dena padh sakta hai. Yahan pe jaruri baat ye hai ki Sirf class 12th pass kar lene enough nahin hota aache marks lana bhi jaruri hota hai. Har entrance exam ki conditions aur requirements alag hoti hai jaise IIT-JEE jo ki sabse tough aur competitive entrance exam hai uski requirement class 12th mein 75% marks hoti hai.

Koi bhi aache college mein admission lene ke liye aapko class 12th mein thore aache marks toh lane hi honge saath hi saath entrance exam mein bhi aacha score karna hoga. IIT-JEE jo ki sabse famous aur competitive exam hota hai agar usse qualify kar le toh aap india ke sabse aache institutes mein padh sakte hai. IIT-JEE ke alawa bhi bahut entrance exams hote hai jo ki aapko aache colleges mein admission dila sakta hai. Saare entrance exams mein aapse questions physics,chemistry aur maths se hi pucha jaega.

IIT-JEE 

IITs mein admission lene ke liye humein IIT-JEE ka exam dena padta hai. IIT-JEE ke do levels hote hai IIT-JEE Mains aur IIT-JEE Advanced aur aapko dono mein aache marks se qualify karna padega tab hi aap IIT mein padh sakte hai. Agar aap mains qualify karte hai tab hi aap advanced ke liye baith sakte hai.Iss Entrance exam ki preparation bahut hi muskil hoti hai iski preparation ke liye students 10th ke baad se hi lag jaate hai.

Bahut saare students iski preparation 10th se hi shuruwat kar dete hai aur kuch students 12th ke baad bhi iska preparation shuru karte hai. Iske preparation ke liye bahut saare coaching institues bhi hai jaise Akash Institute, Allen, Fiitjee aur bhi bahut. Ye institutes aapko exam ke liye aache se prepare karwa dete hai. Agar aap IIT ke liye prepare karte ho toh aap dusre universities aur colleges ke liye bhi entrance exam de sakte ho.

Aur bhi bahut saari entrance exams hoti hai aur unmein se kuch hum aapko niche bataenge:-

National Level Entrance Exams

• JEE Main
• JEE Advance
• BITSAT
• VITEE

State Level Engineering Entrance Exams:

• Uttar Pradesh State Entrance Examination (UPSEE)
• West Bengal Joint Entrance Examination (WBJEE)
• Kerala Engineering Architecture Medical Examination (KEAM)
• Consortium of Medical, Engineering and Dental Colleges of Karnataka (COMEDK)
• Karnataka Common Intense Test (KCET)

University level engineering entrance examinations:

• SRM Engineering Entrance Exam (SRMEE)
• Aligarh Muslim University Entrance Exam (AMUEE)
• Annamalai University Engineering Entrance Exam (AUEEE)
• Cochin University of Science and Technology Common Admission Test (CUSAT CAT)
• Jawaharlal Nehru University Engineering Entrance Exam (JNU EEE)

Engineering Courses

Courses se pehle hum aapko ye bataenge ki engineering mein kon kon se programs hote hai aur uske under kitne type ke courses hote hai.Engineering mein two type ke programs hote hai jisko complete karke aapko engineer kaise bane ka answer mil sakta hai:

• Diploma in Engineering
• Bachelor of Engineering or Bachelor of Technology (B.E. or B.Tech.)

 Diploma in Engineering

Diploma in Engineering 3 years long course hota hai aur iske liye minimum eligibility class 10th hota hai aur aapke paas science aur maths jaise subjects hona jaruri hai. 35% marks hona jaruri hai aapke 10th mein aur ye program aap 12th ke baad bhi kar sakte hai.Kuch courses ke option jo ki diploma mein hote hai wo hum aapko bataenge:-

•  Diploma in Automobile Engineering
•  Diploma in Computer Science & Engineering
•  Diploma in Electronics and Communication Engineering (DETCE)
•  Diploma in Mechanical Engineering (DME)
•  Diploma in Aeronautical Engineering
•  Diploma in Information Science
•  Diploma in Civil Engineering (DCE)
•  Diploma in Electrical Engineering (DEE)
•  Diploma in Metallurgical Engineering
•  Diploma in Electronic Instrumentation & Control Engineering

Bachelor of Engineering

Bachelor of Engineering four year long course hota hai. Iss course ke liye minimum eligibility 12th class hota hai aapki stream science hona jaruri hai.Iss program mein bahut saare course ke options hote hai usmein se kuch ke baare mein hum aapko bataenge:-

• Aerospace Engineering
• Automobile Engineering
• Biotechnology Engineering
• Chemical Engineering
• Civil Engineering
• Computer Engineering
• Electrical Engineering
• Industrial Engineering
• Information Technology Engineering
• Mechanical Engineering
• Metallurgical Engineering

Online Courses

Jitne bhi courses humne upar bataye hai chahe wo under graduation ke ho, post graduation ke ho ya phir diploma ke inn sab mein humein college mein jaake degree leni padti hai. Iske alawa humare paas aur bhi options hai jisse ki hum engineering ke courses mein degree paa sakhe hai aur course ko aache se samaj sakte hai. Aajkal online bahut saare websites ke through hum aache aache university se degree le sakte hai. Online courses mein humein sab kuch online miljaega aur wo hum jahan bhi karna chahe wahan kar sakte hai.Kuch websites jahan ki humein online courses mil sakte hai:

• Coursera
• Canvas
• Udemy
• edX
• Udacity

Engineering Colleges

Colleges for Diploma in Engineering

Engineering ki bahut saari colleges hai india mein kuch state government based hai,kuch universities ki part hai aur kuch national institutes bhi hai. Jitni jyada aachi college hai utna hi muskil hai usme admission lena.Kuch colleges jo ki diploma in engineering provide karti hai wo niche bataye gaye hai:-

• Amrutvahini Polytechnic, Sangamner
• Ghousia Polytechnic For Women, Karnataka
• Guru Tegh Bahadur Polytechnic Institute
• Hindustan Electronics Academy, HEA Polytechnic
• Indira Gandhi Institute of Technology (IGIT), Sarang, Orissa
• Jalpaiguri Polytechnic Institute
• Jawaharlal Nehru Institute of Technology, Pune
• MEI Polytechnic

Colleges for Bachelor of Engineering

Bachelor for engineering ek aisa course hai jiske bahut hi jyada branches hai aur competition bhi bahut hi jyada hai. Saare colleges ke liye entrance exams hoti hai aur exam mein aapki jitni aachi rank aati hai usske according aapka branch aur college decide hota hai.Kuch colleges jo ki kaafi famous aur aache hai wo niche bataye gaye hai:-

• Indian Institute of Technology Bombay 
• Indian Institute of Technology Delhi
• Indian Institute of Technology Kanpur
• Indian Institute of Technology Kharagpur
• Indian Institute of Technology Madras
• Indian Institute of Technology Roorkee
• Indian Institute of Technology
• BITS Pilani- Hyderabad Campus, Hyderabad
• Birla Institute of Technology and Science, Pilani
• College of Engineering, Pune
• Delhi Technological University, Delhi

Job Options aur Salary

Jaise ki humne upar ke topics mein engineering ke branches aur engineer ke types ko samjha toh ye jahir si baat hai ki sabki salary bhi same nahin hogi. Kisi bhi job ki salary bhot saari baaton par depend karti hai jaise ki aapki qualifications kahan se hai, konsi branch se ho aap,kitne experienced ho aap aur bhi kuch cheezein. Jaise jaise aapke field mein aapka experience badta hai waise hi aapki salary bhi badh sakti hai. Current market demand kya hai wo bhi bahut bada role play karta hai ki konsi industry market mein aage hai. Engineering ke kuch types ke average salary ke baare mein hum aapko niche bataenge:-

Hum umeed karte hai ki aapko engineer kaise bane ka article pasand aaya ho. Humne iss article mein engineering se judi saari baaton ko batane ki koshish ki hai lekin phir bhi agar aapko kuch bhi doubt ya question ho toh aap comment section mein jaake humse puch sakte hai.