Vakil Kaise Bane?|Jaane Lawyer Career Ki Puri Jaankari | LLB Career Tips

Order,Order
Kya aap chahte hain ki aap zindagi mein ek aisi naukri karein jo aapko society mein respect dilaaye aur saath hi saath aapko ek aisa aadmi banaye jo apni problems ko apne dimaag ki shamta se hi solve kar sake?Aaj iss article mein aapko hum yahi batayenge ki Lawyer ya vakil kaise bane, kaunsa exam dein aur uski taiyaari kaise karein,aur sabse important,ek vakil ki aamdani kitni hoti hai.

Iss article mein hum aapko batayenge vakil kaise bane ki jaankari:

Lawyer ya vakil kya hota hai

Lawyer ya vakil banane ke liye exam

Law colleges mein available courses

Law karne ke liye colleges

LLB ke baad kya karein

Lawyer ya vakil banane ke liye zaruri skills

Lawyer ya vakil kya hota hai

Lawyer ya vakil ek aisa profession hai jo humaari society mein bohot hi izzatdaar aur acchi aamdani waala profession maana jaata hai. Agar aap kabhi bhi koi bhi kanuni dikkat face karte hain, jaise ki divorce,property ka issue,criminal charges ya phir business ka koi kanuni issue,toh aap lawyer ke paas jaate hain. India mein lawyer banane ke liye kuch requirements hoti hain, jaise ki:

• Bachelor of Legislative Law(LLB)– Agar aap India mein lawyer banana chahte hain toh aapko kisi law college ya institute se sabse pehle LLB karna hoga aur uske baad hi aap India mein law practice kar payenge.

• Internships- Aapko apne course mein kitabi knowledge ke alawa practical experience bhi chaiye hoga aur issi ke liye internship karna aapke course mein compulsory hoga.

• Enrolment with the State Bar Council– Ek baar jab aap apna course khatam karlete hain tab aapko apne aap ko kisi bhi State Bar Council mein register karana hoga aur uske baad All India Bar Examination(AIBE) dena hoga jiske baad hi aap law practice kar sakte hain.

Vakil majorly do types ke hote hain:

• Sarkari vakil ya government lawyer– Sarkari vakil ek government employee hota hai aur isliye wo government ke payroll pe hota hai. Iss job ka sabse bada benefit yeh hai ki aapke paas job security hoti hai and aapko wo saare faayde milte hain sarkar ki taraf se jo ki kisi aur government employee ko milte hain.

• Private advocate– Private advocate wo hota hai jo ki government ke liye kaam nahi karta hai par ya toh khud practice karta hain ya fir kisi aufr company ko join karleta hai. Iss job ki sabse badi baat hai ki ismein kaafi achhi income hoti hai aur kyonki aap companies ke liye bade bade cases ladenge toh aap ek bohot badi fees bhi kamayenge aur saath hi aapki salary bhi bohot zyaada hogi.

Ab jaante hai ki vakil kaise bane aur kya padhai kare ek legal career ko shuru karne ke liye.

Lawyer ya vakil banane ke liye exam

Kisi bhi Law college ko join karne ke liye aapko pehle koi na koi exam dena hoga jisse ki aap wo college ya university join kar sakein. Inmein se sabse important exam hota hai CLAT(Common Law Admission Test) ,jiske under aap kaafi saare government law colleges mein admission le sakte hain. Iss exam ko dene ke liye aapko 20 saal ka ya usse kam ka hona hoga. Aap yeh exam 12th paas karne ke baad de sakte hain and iske through aap 5 years ka ek integrated course kar sakte hain. Iske baare mein zyada hum issi article mein baad mein janenge. Abhi ke liye chaliye focus karte hain CLAT ke format aur uski eligibility par.

CLAT ek national level pe conduct kara jaane waala test hai aur isiliye yeh law admissions ke liye hone waala sabse important tests mein se ek hai. Yeh test total 200 marks ka hota hai aur ismein 0.25 marks ki negative marking bhi hoti hai. Iss test mein 5 sections hote hain:

• English
• Maths(Quantitative Aptitude)
• Logical Reasoning
• Legal Aptitude(Law)
• General Knowledge

Ismein maths 10th level ki hoti hai aur bohot hi aasan hoti hai jo ki regular practice se aaram se kari jaa sakti hai. Iss exam ko crack karne ke liye aapko regular practice karni hogi and zyaada se zyaada questions solve karne honge,jisse ki aap har question solve toh karlein par usse zyaada zaroori hoga ki aap inn sab questions ko given time mein solve karein. Aise exams mein hardwork toh important hota hi hai,but usse zyaada important hota hai smartwork,aur yahi achieve karna aapka goal hona chaiye.

Iske alawa aur bhi kayi exams hain jaise ki:

• All India Law Entrance Test (AILET)- National Law University,Delhi
• Law School Admission Test (LSAT)- Jindal Global Law School,Sonipat
• Symbiosis Entrance Test (SET)- Symbiosis University

Iske alawa aur bhi bohot saare exams hain jo alag alag colleges admissions ke liye conduct karti hain,unke baare mein padhne ke liye yahan click karein.

Law colleges mein available courses

India mein law colleges mein majorly two types ke law courses offer kiye jaate hain-

• 3 Year LLB course–  Yeh course 3 years ke time duration ke liye hota hai aur iss course ko koi bhi kar sakta hai,agar wo kamsekam graduate ho aur usne graduation kamsekam 40% ke saath pass kari ho. Yeh course India mein kaafi colleges karwate hain jinke baare mein hum aapko apne agle section mein batayenge.

Iss course ke liye aap kisi bhi stream se graduate ho sakte hain aur iss course ki importance 5 year courses jitni hi hai. Zyaadatar log iss course ke baad UPSC exam,professors aur government law officers ki naukri ki taraf zyaada akarshit hote hain.

• 5 Year Integrated course– Yeh 5 year integrated courses do alag courses ka combination hota hai aur zyaadatar collegs aajkal yahi course offer kar rahe hain. Iss course ke through aap ek dual degree secure kar sakte hain aur iska faayda yeh hai ki jinn do degrees ko pura karne mein aapko 6 years lag jaate unko ab aap sirf 5 years mein hi poora kar paayenge.

Iss course mein kaafi saare alag alag combinations available hain, jaise ki:

• B.A. LL.B.–  Yeh unn logon ke liye hai jo law ki degree ke saath humanities ke subjects bhi padhna chahte hain. Iss course mein aap political science,history aur sociology jaise subjects ke saath Law ke core subjects bhi padhenge.

• B.Sc. LL.B.-  Yeh unn logon ke liye hai jo law ki degree ke saath science ke subjects bhi padhna chahte hain. Iss course mein aap economics,finance,business jaise subjects ke saath Law ke core subjects bhi padhte hain.

• BBA LLB-  Yeh unn logon ke liye hai jo law ki degree ke saath business ke subjects bhi padhna chahte hain. Iss course mein aap economics,accounts,management jaise subjects ke saath Law ke core subjects bhi padhte hain.

• B.Com LL.B-  Yeh unn logon ke liye hai jo law ki degree ke saath coomerce ke subjects bhi padhna chahte hain. Iss course mein aap economics,finance,business,accounting,tax jaise subjects ke saath Law ke core subjects bhi padhte hain.

Law ke kuch core subjects jo aap inn saare courses mein padhenge, yeh hain:

• Law of Torts
• Family Law
• Legal Methods
• Law of Crimes
• Property Law
• Company Law

Law karne ke liye colleges

India mein lawyer ya vakil banane ke liye bohot saare colleges available hain aur iss article mein hum aapko batayenge ki kaunse colleges aapko kaunse course offer karte hain.

Hum colleges ko two categories mein divide kar sakte hain-

1. Colleges jo 5 year integrated law courses offer karte hain

     2. Colleges jo 3 year LLB course offer karte hain

Top 10 Best Law Colleges in India ki list ke liye yahan click karein.

LLB ke baad kya karein

LLB ke baad aapke liye kaafi saare future options available hain, jaise ki-

• Practice Law– Aap apni LLB khatam hone ke baad law practice karna shuru kar sakte hain(AIBE-All India Bar Examination dene ke baad). Ab isko bhi karne ke bohot saare tareeke hain,matlab ki aap kisi bhi type ke lawyer bann sakte hain apni iccha aur skills ke basis pe,jaise ki

1. Criminal Lawyer
2. Corporate Lawyer
3. Government Lawyer
4. Litigator
5. Prosecutor

Aap chahein toh apna khud ka firm khol sakte hain ya fir kisi company ko join kar sakte hain aur uske legal advisor,legal consultant ya legal services chief bhi bann sakte hain. Kisi company ko join karke ya kisi law firm ko join karke aap kaafi paise kama sakte hain aur salary ke saath saath acche bonus bhi le sakte hain.

Top legal firms

• Khaitan And Co.
• S&R Associates
• Shardul Amarchand Mangaldas And Co.
• Cyril Amarchand Mangaldas & Co.
• J Sagar And Associates (JSA)

• Government Officer–  Aap LLB karne ke baad Indian Legal Services join kar sakte hain aur isse government departments mein legal counsel(advisor) ya fir Army,Navy aur Air Force ke legal departments mein kaam kar sakte hain.

• LLM(Specialisation)–  Aap LLB ke baad aage padhai karte hue kisi filed mein specialisation bhi kar sakte hain jaise ki Mergers and Acquisitions(M&A), Bankruptcy,Criminal Law, Company Law, Intellectual Property Rights Law,aur inke alawa aur bhi kaafi saare options.

• Judiciary-  Aap LLB karne ke baad Judiciary ka exam deke Judge bhi bann sakte hain. Aap kisi bhi State ke Judicial Services ka exam de sakte hain and wahan pe judge bann sakte hain.

• Teaching-  Aap chahein toh Law ke baad teaching line mein bhi jaa sakte hain aur kisi law college mein as a professor join kar sakte hain. Yeh aap LLb karne ke baad bhi kar sakte hain,aur aap iske aage jitna zyaada padhenge( LLM & Ph.D),aapke teaching career ke liye utna zyaada achha hoga.

• Other Competitive Exams– Aap Law ki degree ke baad anya competitive exams, jaise ki UPSC de sakte hain aur Law inn exams ke liye ek bohot hi strong base maana jaata hai toh iske baad agar aap chahein toh apna IAS banane ka sapna pura kar sakte hain.

Lawyer ya vakil banane ke liye zaruri skills

Agar aap lawyer kaise bane ya vakil kaise bane ka sahi jawaab chahte hai to uske liye zaruri hai ki aapke paas kuch skills ho jo ek successful vakil banane ke liye zaruri hai.

• Oral Communication- Yeh bohot zaruri hai ki aapko logon ke saamne bolna aana chaiye, aur bolne ka matlab yahan yeh hai ki aap apna jo point prove karna chahte hain( chahe logon ke saamne ho ya judge ke saamne),woh aap effectively kar sakein.
• Legal Resserach- Research ka matlab yahan yeh hai ki aapke andar woh skill hona chaiye ki aap kisi bhi topic ke detail mein jaa sakte hain aur apne research ka pattern aisa rakhein ki woh aapke saare zaruri points aur information ko cover kare.
• Client Service- Yeh zaruri hai ki aap apne client ko acche se handle kar sakein aur yeh aapki job ka ek bohot hi bada aur important part hoga.
• Teamwork- Zaruri hai ki aap ek team mein aaram se kaam kar sakein kyunki yeh bohot hi zyaada important hai ki aap apne team members ko sunein aur apni baat kon bhi unke saamne rakh paayein,bina kisi hesitation ke aur bina dominating hote hue.
• Time Management- Sabse important skill yahi hai,aur yeh sirf issi profession ke liye nahi par saare jobs ke liye zaruri hai ki aap apne time kom properly manage kar sakein aur apna saara kaam deadline se pehle hi khatam karlein,jisse ki aap kamsekam time mein maximum results deliver kar paayein.

Humein umeed hai ki yeh article padhne ke baad aapko Lawyer ya vakil kaise bane ke baare mein sab kuch pata chal gaya hoga,aur agar iske baad bhi aapko koi doubt hai ya koi sawal hai, toh neeche comment karein aur hum aapke har sawaal ka javab dene ki poori koshish karenge.