Doctor Kaise Bane ? Doctor Career ki Puri Jaankari in Hindi

Doctor kaise bane? ya phir How to become a Doctor Hindi mein? Inn sawalon ne aaj kal ke yuvaon ko kaafi mushkil mein daal diya hai. Toh doston agar aap ek acha aur safal doctor banna chahate toh iss article ko dhyan se padhiyega. Humare desh mein ek doctor ko bahut zyada samman diya jata hai, issiliye anekon ki taadaad mein iss desh ke yuva students bachpan se hi doctor banne ki taiyaaree shuru kar dete hain. Magar doctor banane ke liye mehnat ke saath saath dimag se bhi padhna bahut jaruri hota hai. Toh aaiye iss article ke maadhyam se hum seekhenge ek acha doctor banne ke pramukh formulae.

Iss article mein hum jaanenge:   

Doctor kon ban sakta/sakti hai

Doctor banane ke liye qualification

Entrance exams NEET/AIIMS

Medical colleges

MBBS ki jaankari

BDS ki jaankari

BAMS ki jaankari

BHMS ki jaankari

Duties

Doctor kon ban sakta/sakti hai

Doctor kaise bane ka jo sawal hai usse pehle pata hona chahiye ki doctor kon ban sakta hai. Doctor woh log ban sakte hain jinmein mehnat karne ki aur padhne ki lagan ho. Doctor banne ke liye aapko English aur Science mein achi pakkar hona mehatvapoon hai. Agar aapne 10th tak Science na padhi ho toh koi problem nahi hai, magar 11th aur 12th mein aapke paas school mein Science stream hona bahut jaruri hai.

Waise toh doctor kaafi prakaar ke hote hain magar woh banane ke liye jo main courses hote hain woh hai:

1. MBBS ( Bachelor of medicine and bachelor of surgery)
2. BDS ( Bachelor of dental surgery)
3. BAMS ( Bachelor of Ayurvedic medicine and surgery)
4. BHMS ( Bachelor of Homeopathic medicine and surgery)

Doctor bane ke liye qualification

• Doctor bane ke liye aapke paas 11th aur 12th mein PCB( Physics, Chemistry & Biology) subjects hona bahut jaruri hota hai.
• English mein achi pakkar.
• Har subject mein kam se kam 50%-60% marks hone chahiye.
• Doctor bane ke liye kathor parishram yani ki hard work bhi kaafi jaruri hota hai

Entrance exams NEET/AIIMS

Jaise hi aapke 12th class ke exams khatam ho jate hain waise hi aapke college mein admission lene ke liye entrance exams shuru hojayenge. Issliye aapko inn exams ki taiyaree apni 11th aur 12th class se hi start karni padhegi. Medical entarnce exams mein competition bahut high hota hai kyunki lakhon ki taadat mein students inn exams mein baithte hain. Yeh exams kaafi kathin hote hain issliye aapko inn exams ki taiyaree karne ke liye madad bhi le sakte hain. Jaise ki:

a ) Coaching: Kaafi matra mein students coaching institutes aur coaching classes join karte hain apne medical ke entrance exams ki taiyaaree ke liye. Students apni coaching classes zyada tar apni 10th ya phir 11th class se hi shuru kardete hain. Inn coaching classes ki jo tuition fees hoti hai woh kaafi zyada hoti hai. Example: Aakash institute click karein, Takshila Institute click karein, etc

b) Online classes: Kaafi students coaching classes ki tuition fees afford Nahi kar pate hain. Tabhi yeh students alag se padhai karne ke liye online classes ki madad lete hain. Online classes se students ghar baith kar apne entrance exams ke liye aaram se taiyaaree kar sakta hain.
Example: Unacademy click karein, upGrad click karein, etc

Entrance exams ke liye apply karein

Ek baar jab aap 12th paas kar jaate ho kam se kam 50% marks harr subject ke saath tabh aap apne entrance exams ke liye apply kar sakte ho. Inn exams ki padhai ke liye students ko apni 12th ke PCB ki buniyaadee cheezein aani chahiye aur 12th ke exams ke baad pechle saal ke AIPMT,AIIMS ya NEET ke papers solve karne chahiye. Isse students ko ek mota mota andaza mil jaayega unke medical entrance exams ke papers ke format ka.

Jaane maane entrance exams:

1. All India Pre-Medical Test (AIPMT) click karein
2. All India Institute of Medical Science (AIIMS) click karein
3. The National Eligibility cum Entrance Test (NEET) click karein
4. Punjab Medical entrance Test – (PMET) click karein

1) NEET 2019 exam pattern

2) AIIMS MBBS EXAM PATTERN 2019

AIIMS MBBS ek National Level Entrance Exam hai jo All India Institute of Medical Science New Delhi organise karwati hai.

Medical colleges

Jab aap ache marks ke saath medical entrance exam clear kar lete ho, uske baad aapki counselling hoti hai aur aapke marks aur pasand ke hisabh se aapko medical colleges assign kiye jate hain. Bharat ke top ke medical colleges:

1. All India Institute of Medical Science (AIIMS)- Delhi
2. Grant Medical College – Mumbai
3. Madras Medical College – Chennai

Paaiye puri jaankari India ke Top 10 Medical Colleges ke bare mein: https://www.joshtalks.com/joshkosh/career/top-10-best-medical-colleges-in-india/

MBBS ki jaankari

Bharat mein sabh se zyada liye jaane wali degree hai MBBS ki, iska matlab zyada se zyada chhaatr medical entrance ke baad MBBS lena pasand karte hain. Issliye MBBS jaise course mein competition sabse zyada hota hai.

MBBS ki qualification: Kisi bhi MBBS ke college mein bharti hone ke liye ek chhaatr ko NEET ka entrance clear karna bahut jaruri hota hai. MBBS ke college mein admission lene ke liye aapiki age 17 years aur 25 years ke beech mein honi chaiye.

MBBS ki duration: MBBS ka course 4.5 years tak ka hota hai saath hi saath ek saal ki internship, matlab kul mila ke total duration MBBS ki course ki 5.5 years hoti hai.

MBBS ki fees:  MBBS ki fees ek sarkaari college aur ek private college mein kaafi alag hoti hai. Ek sarkaari college mein admission toh kathin hota hai magar fee kaafi kam hoti hai, ussi prakar ek private college mein admission toh aasan hoga hai magar unki fees bahut zyada hoti hai. Udaaharan:

Sarkaari college

• AIIMS ki fee Rs. 1,000 approx
• MBBS in Delhi Rs. 4,000- Rs. 7,000
• UP and IP universities Rs. 20,000- Rs. 30,000

Private college

• Fee -Rs. 5 lakh to Rs. 15 lakh approx. hoti hai.

Internship ki poori jaankari (12 months)

Advance courses MBBS ke baad

• MS (Master of Surgery)
• MD (Doctor of Medicine)

MBBS ke baad jobs

• Hospitals
• Self-owned clinics
• Laboratories
• Biomedical Companies
• Nursing Homes
• Medical Colleges
• Medical Trusts
• Health Centres
• Pharmaceutical and Biotechnology Companies
• NGO’s
• Research Institutes

Army mein Doctor kaise banane

Army mein Doctor banane ke liye ya toh aap doosre college se MBBS karne ke baad Army join kar sakte hain ya phir apna MBBS ka course AFMC (Armed Forces Medical College) se kar sakte hain.

Selection Process: Army mein recruitmeny ya toh Permanent Commission (PC) se hota hai ya toh Short Service Commission (SSC) se. 50% jo pass outs hote hain AFMC ke unko directly permanent commission milti hai aur bakion ko short service commission offer hoti hai. Jo doctors Civil Medical Colleges se aate hain unko entry SSC mein milti hai. SSC ka kaaryakaal 5 saal ka hota hai jo aur 9 saal tak ke liye badh sakta hai, do bhaagon mein- pehla 5 saal ka aur doosra 4 saal ka. Kul mila ke SSC ka kaaryakaal 14 saal tak ka hota hai. jo AFMC wale graduates hote hai jinko SSC offer hota hai unko kam se kam 7 saal ke liye serve karna hota hai jo aur 7 saal ke liye badh sakta hai.

adhik jaankari ke liye.

BDS ki jaankari

Bachelor of dental science bhi ek aisa course hai jo humare desh ke kaafi chhaatr padhna pasand karte hain. Bachelor of dental surgery ya BDS, woh students padhna pasand karte hain jo dentist bana chahate hain ya dental field ki taraf jana chahate hain.

BDS ki qualification: BDS mein admission lene ke liye ek chhaatr ko NEET ka entrance exam clear karna jaruri hota hai. Saath hi saath 12th class tak ki eligibility bhi honi jaruri hoti hai.

BDS ka duration: BDS ki course ki duration 4 years ka hota hai saath hi saath ek saal ki internship, matlab kul mila ke total duration BDS ki course ki 5 years hoti hai.

BDS ki fees: BDS ke course ki lagbhag tuition fee kisi bhi jaane maani university mein Rs. 50,000 se Rs. 12 lakh tak hoti hai. Magar yeh baat bhi Dimag mein rakhna jaruri hai ki sarkaari aur private college ki fees kaafi alag hoti hai.

BDS ke colleges

1. Amrita college of dentistry,  Kerala
2. Maulana Azad Medical College, New Delhi
3. Faculty of dental science, King George’s Medical College, Lucknow
4. Dental college, Thiruvananthapuram
5. Govt. Dental college and hospital, Andhra Pradesh

Advance courses BDS ke baad

• M.sc. in Primary Dental Care
• M.sc. in Paediatric Dentistry
• M.sc. in Restorative and Artistic Dentistry
• MSD ( master of dental surgery)

Job opportunities BDS ke baad

• Dental Clinic
• Hospitals
• International Welfare Organisations
• Indian Armed Forces
• Research Labs

Army mein Dentist/Army Dental Corps

Selection Process: Jo eligible candidates hote hain unko interview ke liye Army Hospital New Delhi near Dhaula Kuan, Delhi Cantt. bulaya jata hai by Board of Officers SSC ke liye select karne ke liye.

Qualification: BDS mein 60% marks ke saath final year mein / MDS kisi recognised college ya university se. Ek saal ki rotary internship recognized by Dental Council of India. Permanent Dental Registration Certificate bhi hona chahiye.

adhik jaankari ke liye.

BAMS ki jaankari

BAMS ek undergraduate degree hoti hai jo Ayurvedic Medical course keliye milti hai. Yeh course Central Council of Indian Medicine se recognised hota hai. Iss course mein Ayurveda ke saath saath aadhunik medicines bhi shaamil hote hain.

BAMS ki qualification: BAMS ke liye 12th mein medical science hona bahut hi jaruri hota hai. 12th mein aapke paas chemistry, biology aur physics honi chahiye aur aapko in subjects mein kam se kam 50% marks se paas hona jaruri hai. BAMS ke course ke liye aapki minimum age limit 17 saal honi chahiye. BAMS ke course ke liye qualify karne ke liye bhi aapko NEET exam dena padega.    

BAMS KA DURATION: BAMS ka course 5.6 years ka hota hai, jissmein 4.6 years ki shiksha hoti hai saath hi saath ek saal ki internship hoti hai

BAMS ki fees: BAMS ke course ki tuition fee lagbhag Rs. 3 lakhs se Rs. 5 lakhs tak hoti hai. Tuition fees ek sarkaari college mein private college ke mukable kaafi kam hoti hai.

BAMS ke colleges

1. Institute for Medical Science (IMS), Varanasi
2. BABA Farid University of Health Sciences,  Faridkot
3. Maharashtra University of Health Sciences, Nashik
4. Rajiv Gandhi University of Health Sciences, Bangalore
5. Jupiter Ayurved Medical College, Nagpur

Advance courses BAMS ke baad

   1)  Post Graduation and Doctoral Courses after BAMS :-

• Post Graduate Diploma in Panchkarma
• Doctor of Medicine in Agadtantra
• Doctor of Medicine in Ayurved Sinddhant and Darshana
• Doctor of Medicine in Ayurveda – Basic Principles

• Doctor of Medicine in Ayurveda – Kaumara
• Doctor of Medicine in Ayurveda – Dravya Guna
• Doctor of Medicine in Ayurveda – Shalya
• Doctor of Medicine in Ayurveda
• Doctor of Medicine in Ayurveda – Panchakarma
• Doctor of Medicine in Swasthya Vritta
• Doctor of Medicine in Dravya Guna
• Doctor of Medicine in Ras Shastra
• Doctor of Medicine in Kaumarbritya
• Master of Business Administration in Ayurveda Pharmacy
• Master of Business Administration in Geriatric Care Management
• Doctor of Medicine in Kayachakitsa
• Doctor of Medicine in Roga Nidran
• Doctor of Medicine in Rognidan
• Doctor of Medicine in Samhitas
• Doctor of Medicine in Sharir Kriya
• Doctor of Medicine in Sharir Rachana
• Doctor of Medicine in Skin and V.D.
• Master of Surgery in Ayurveda
• Master of Surgery in Prasutitntra and Stree Rog
• Master of Surgery in Shalakya Tantra
• Master of Surgery in Shalya Tantra

   2) Diploma Courses after BAMS :-

• Diploma in Ayurvedic Pharmacy
• Diploma in Ayurveda Nursing and Pharmacy
• Diploma in Ayurvedic Knowledge
• Diploma in Ayurvedic Pharmacy
• Diploma in Herbal Medicine
• Diploma in Naturopathy & Yogic Sciences
• Diploma in Panchkarma

 Aur jaankari ke liye click karein

JOB OPPORTUNITIES BAMS KE BAAD

• Lecturer
• Scientist
• Therapist
• Category manager
• Business development officer
• Sales representatives
• Product manager
• Pharmacist
• Jr. clinical trial coordinator
• Medical representative
• Ayurvedic doctor

BHMS ki jaankari

Homeopathy Bharat ki teesri sabse mashoor medication ka system hai, Allopathic aur Ayurvedic system ke baad. Homepathic system ke hisab se humari bhaavanaen, man aur tan aapas men jude hote hain aur ek aadmi ki tabyiat tabhi kharab hoti hai jab inn teenon mein kuch upar neeche hojate hai.

BHMS ki qualification: BHMS ki eligibility 10+2 ki hoti hai, jissmein kam se kam 50% marks jaruri hote hain physics, chemistry, biology aur english mein. Iss course ke liye admissions zyada tar NEET aur KEAM (Kerala Engineering Architecture Medical) ke entrance exams pe nirbahr karta hai. BHMS ke cours ke liye minimum age limit 17 years honi chahiye.

BHMS ki fees & colleges: BHMS ke course ki tuition fees lagbhag Rs. 2 lakh se Rs. 3 lakh ke beech mein hoti hai. Magar ek sarkaar college ki fees ek rivate college ke mukabale kaafi kam hoti hai. Jaise ki:

BHMS ka duration: BHMS ka course kisi bhi College mein 4.5 years tak ka hota hai saath hi saath ek saal ki internship matlab kul mila ke BHMS ka poura course 5.5 years tak ka hota hai.

ADVANCE COURSES BHMS KE BAAD

1. M.sc. Psychiatry
2. M.sc. Epidemiology
3. MD (Endocrinology)
4. Master in Hospital Management
5. MD Homeopathy

JOB OPPORTUNITIES AUR SALARY BHMS KE BAAD

Duties

Ek doctor ki hum sabh ki zindagiyon mein kaafi bari bhoomika hoti hai. Logon ki zindagiyan doctors ke haathon mein hoti hai, tabhi inn sabh shaktiyon ke saath ek doctor ki zimmedaaree bhi kaafi zyada hoti hai. Kartavyon ke udaaharan:

1. Saath kaam karne wale logon ke saath mil ke mareejon ke svaasthy kya dhyan rakhna
2. Services ki quality ka sudhaaren
3. Team work mein kaam karna aur netrtv ki qualities rakhna
4. Saadhanon ka kushal upayog
5. Doosre doctors ko sikhana aur unki madad karna

Iss article ke zariye se humari taraf se ek koshish thi ki aapko har woh baat batanein jo aapko ek acha aur safal doctor banne mein madat kare.

Agar aapko aur koi baat jaanani ho ya aur koi sawal ho jo aapke doctor bane se jura ho toh aap nieche diye hue comments section mein likh ke humse pouch sakte hain, hume bahut khushi hogi aapke jawabon ka uttar dene mein, aur hum aasha karte hai ki aap jald se jald ek kamiyab doctor ban jaye. Humme apna kimti waqt dene ke liye bahut bahut shukriya.