General Store ya Kirana Store Business Plan In Hindi

Agar aapke mahole mein kirana store ya mini grocery store na ho toh Kya hoga? Sochiye agar aapko apni jarurat ki har choti-bari chizon jaise chai-patti ,toothpaste ke liye alag alag jagah par jaana padta .Small grocery store ya kirana store jitna customers ke liye important hai utana hi businessman ke liye. Hum jab bhi koi business shuru karte hai toh iss mein sab se zyada important hota hai business plan. Toh aaj hum aapko kirana store business plan ki saari important jaankari denga.

Delhi/NCR mein delivery boy vacancy nikali hai. Iss video mein aapko delivery boy job ke baare mein puri jaankari mil jayegi.

Iss article mein hum aapko batayenge:

Kirana store kya hota hai

Kaun khol sakte hai

Market research

Infrastructure aur laagat

Kirana store mein kitna munafa hai

General store ke liye legal formalities

Kirana Dukan saman list

Marketing kaise karein

General store ka business kaise badhaye

Kirana Business ke liye tips

Kirana Business se jude kuch sawaal

Kirana store kya hota hai

Kirana store jisse hum parchun ki dukan,general store aur mini grocery store ke naam se bhi jaante  hai, mein saari woh cheezein hoti hai jinki jarurat humein apne ghar mein roz hoti hai. Sellers yaha wholesale kirana price list par supplier se samaan khareedkar ussey customers ko margin ke sath bechte hai aur kabhi-kabhi discount aur offers bhi dete hai apni sales badhane ke liye. Yeh aapko apni locality mein hamesha milenge.

 Aaj kal customers teen jagah se apni jarurat ka saman lete hai:

1. Kirana Store ya Mini Grocery Store

2. Supermarkets ya Departmental stores

3. Online Grocery Stores

Aaj kal online grocery stores jaise ki bigbasket,  grofers etc. bahut tezi se badh rahe hai par phir bhi logo ko apni locality ki kirane store jaana zyada pasand hai. IndianRetailer.com ke according humari country mein lag bhag 12 million kirane ki dukan hai jo 90% F&G market (Food and Grocery Market)  ka share hai. Desh ki jaanta in reasons ke wajah se aaj bhi inhi ‘Mom and Pop stores’ ko zyada pasand karte hai:

1. Yahan seller ka customers ke sath ek personal connection hota hai

2. Dukandar mostly wo hi samaan rakhte hai jiski demand unki locality mein hoti hai, apne customers ki need ko dhyan mein rakhte hue.

3. General stores mostly customers ke ghar ke paas hi hote hai

4. Seller mostly customers ko personally jaanta hai toh woh usse credit facility bhi deta hai.

5. Customers easily products return/exchange kar sakte hai.

Kaun khol sakte hai

Kirane ki dukan kholne ke liye koi  bhi specific qualification ya course ki jarurat nahin hai par agar aapne 10-12 vi tak padhai kari hai toh aapko hisaab kitaab mein madad milegi. Isse koi bhi khol sakta hai. Dukan shuru karne se pehla kisi existing general store ke seller se ek baar baat karke thodi jankaari le aur jis locality mein aap store kholne waale hai wahan kitna competition hai aur waha kis tarah ke product ki demand hai uss par acche se research karein.

Market Research

Kisi bhi business ko shuru karne se pehla humesha market research karni chahiye, tabhi aap apne busiess mein munafa kama sakte hai. Parchun ki dukan  kholne se pehla yeh zaroor dekhein jis locality mein aap dukan khol rahe hain wahan customers kis product ki demand kar rahe hai.

Aap do tareeke se apni dukan khol sakte hai:

Dukan ki location

Hum jab koi bhi store kholte haitoh uski location ek bahut important factor hota hai. Jab bhi hum apni dukan kholein toh humein uski location ki achhi market research karni chahiye tabhi humari dukan profit earn karenge. Dukan khlte hue dhyan rakhe :

• General stores humesha populated area mein kholna chahiye. Kyunki iss store mein humein tabhi profit hai jab yahan roz bahut customers aate hai.
• Aap yeh kisi bhi resendtial area , apartments mein khol sakte hai.
• Yeh bhi dekhiye ki aas paas kitne aur general stores hainaur woh kaise chal rahe hain.
• Aisi location par dukan na kholein jaha par bahut saare store hai kyonki ek nayi dukan ka aisi jagah compete karna bada difficult hoga,  as “Lower the competition, the better it is.”

   Saath mein yeh bhi dekhiye ki agar koi store uss jagah nahin chal raha ntoh uska reason jaanein aur phir apne store mein thode changes karein taaki woh uss location mein profit earn kar sake.

  Store ka size bhi bahut important hainkyonki kirnae ki dukan mein bahut saara samaan hota hainaur woh sab customer ko dikhna chahiye tabhi customers khareedi karenge.

Mostly agar aap small general store open kar rahe hain toh 2000 Ft ki dukan kaafi hainpar aap 1000 Ft ki  bhi khol sakte hai.

  Agar aapko dukan ki location search karne mein koi problem ho rahi haitoh aap yaha search kar sakte hai:

1. MagicBricks
2. 99 Acres

Infrastructure aur laagat

General store kholne ke liye 50000-100000 rupee laagat  samaan khareedne ke liye chahiya .Aap agar chahe toh isse zyada bhi punji use kar sakte hai. Kitna paisa lagega uski  koi highest limit nahin hainyeh aapki dukan ke size par nirbhar karta hai.

Aapki dukan ka price har location mein alag hoga . Dukan ko khareedne ki cost ke alawa aapko aur bhi bahut saari cheeza jaise ki advertisement cost , legal fees, supplier se samaan khareedne ki cost yeh sab bhi include hoga.

Yeh saari cheeza milakar aapko kam se kam 4-5 lakh rupee ka investment lagega.

Kirana store mein infrastructure aur interior design bahut important hota hai. Aapki dukan ka interior aisa hona chahiya ki customers ko saara samaan acche se dikh jaye aur samaan bhi easily  rakha ja sake.

General store mein counter , racks , freeze ki jarurat hogi. Aap interior designer bhi rakh sakte hai.

 Aapki dukan mein aapko furniture ki jarurat hogi . Aapko jis furniture ki jarurat hogi humne uske price ke sath yaha list banayi hai:

Aapko general store furniture ka samaan yaha par mil jayenge:

1. Pepperfry 2.UrbanLadder 3. IndiaMART

Toh aapki total laagat ( Samaan+Dukan Mein Investment+Furniture) mila kar Rs. 6,00,000-7,00,000 tak hogi.

Aap dukan khareedne ke ilawa rent par bhi le sakte hai. Aapki dukan ka rent location ke according hoga. Chote shahar mein rent baade shahar ke comparison mein kam hoga. Aapko kis jagah kitna rent dena hoga  aap niche likhi hui website par dekh sakte hai. Isse aapko License fee aur stock ke sath sath infrastructure cost ka bhi andaza lag jayega.

• Magic Bricks
• 99Acres.com
• OLX

Aap apne general store ke liye laagat yaha se le sakte hai:

Personal Investment – Personal investment yani apne hi money ko apne shop ke liye invest karna sabse best option hota hai. Karan, isse apko loan lene ki jarurat nahin padegi jo ki aapko future mein wapis pay karna hoga. Iske alawa, agar future mein kisi aur se investment karani pad jaye, toh aapki khud se ki gayi investment aapke investor ke liye ek trust point ban jayega ke aap apne business ke bare mein serious hain.

Kirane ki dukan ke liye Loan – Bank loans kisi bhi small ya medium sized business ke liye kaafi important role play karte hai. Agar aapke pas apna khud ka investment nahin haintoh aap bank se loan sanction karwa sakte hain. Bank se loan sanction karwane ke liye aapko kuch chizon ki requirements hongi jaise –

• Aapki age limit 21-65 years ki honi chahiye

• Aapko ek profit margin dikhani hogi jo bank ko trust provide karenge.

• Ek proper business plan dikhana hoga jo ki loan provider ko aapke business ke bare mein puri jankari de sake

Finance mein ek aur kaafi important factor hota hai aapke shop ki insurance ka. India mein log insurance pe jyada dhyaan nahin dete hain, jabki aapko kabhi kisi bhi nuksaan, jaise chori ya koi accident, se bachane ke liye shop ki insurance karwana kaafi jaruri hai. Insurance ke liye bhi aapko kisi insurance company se contact karna hoga.

Kirana Store mein kitna munafa hai:

• Kirane ki dukan ko  achhe se chalne mein kam se kam 6 months toh lagenge .General store mein profit margin 25-40% tak ka hota hai.
• Agar  aapk apna naya general store kho rahe haintoh aapko starting mein 100000 rupee ki  laagat se kam se kam Rs. 15,000-Rs. 30,000  rupee har month kama sakte hai.
• Kirane ki dukan sahi se chalne mein time lagta hainpar jab aapki dukan ek baar chalne lag jaye toh app acha paisa kama sakte hain. Jis samaan par zyada margin hainusse zyada sale karne ki koshish karein.
• Margin price spices par bahut zyada hota hainkam se kam 25% , toh aap isse discount par bhi sale kar sakte hai. Store mein do tarah ke product hote hai:

1. Local products: Profit Margin zyada hota hai.

2. Branded products: Profit Margin kam hota hai.

Zyada munafe ke liye aap starting mein kam profit margin rakhein taaki aap zyada logo ko attract kar sake kyonki jab tak aap customers ko apni story ka  hero nahin banayenga tab tak aapki pocket mein paisa nahin aayenga.

General Store ke liye legal formalities:

General store kholne ke liye aapko yeh legal formalities puri karni padheingi:

• FSSAI Food Registration:

FSSAI ke rules ko pura karein aur license number le. FSSAI ki guidelines ko pura karna bahut important kaam hainkyonki “ Surakshit aahar, swasthya ka aadhaar” . Aap iss website par register karke ,  FSSAI ka license le sakte hain: FSSAI Ki Official Website

FSSAI Registration Ki zyada jankaari ke liye yahan click kare.

• GST tax Registration:

Iske alawa aapko apne dukan ka GST registration bhi karwana padega . Aap apni dukan ka GST registration government dwara provided website se kar sakte hain,jiska link yeh hain- GST ki Official Website ,and iske liye humein inn documents ki jarurat hai-

1. Aapka PAN Card.
2. Business Registration ka proof.
3. ID & Address proof(photograph ke sath).
4. Aapke business ka address proof.
5. Bank Account Statement.
6. Digital Signature.

GST Registration Ki zyada jankaari ke liye yahan click kare.

Kirana Dukan saman list

Aapko apni dukan mein products rakhne ke liye wholeseller supplier search karna hoga. Aisa supplier dhoonde jo aapki dukan ke paas ho taaki travelling cost bache aur iske alawa dhyan rakhein ki woh aapko zyadatar products de sake kyonki jitne zyada product aapko milenge aapko uttna hi zyada discount aur aapko overall cost bhi kam hogi. Aisa supplier search karein jo aapki sahi price mein saara samaan de.

Aksar General stores par yeh samaan hota hai

• Grocery aur staples jaise dal, atta, rice, sugar, edible oils, spices, dry food etc…
• Fruits aur vegetables
• Beverages jaise cold drinks, juice, milk, water etc…
• Frozen food jaise snacks, ice-cream etc..
• Biscuits, snacks, cookies, chips, candies, chocolates, papad etc..
• Personal care jaise creams, soaps, shampoos, brush, shaving needs etc..
• Household Needs jaise detergent, cleaners, room freshness etc…

Marketing Kaise Karein

Kisi bhi naye vyapaar ko start karne ke baad uski marketing karna bahut zyeada important hota hainkyonki agar aap marketing nahin karenge toh aap apni right audience tak apna samaan nahin pahucha payenga. Aapko sahi marketing ke tareeke ka chunav karna hoga tabhi aapka business acha profit kama sakega.

Marketing karte hue inn sab cheezon ka jarur dhyan rakhein:

• Aap customer badhane ke liye apne customers ko offer, discount jarur de .
• Iske alawa aap festive offers bhi de sakte hainapne customers ko attract karne ke liye.
•  Aap customers ke liye free mein home delivery aur phone par order lena ki facility bhi jarur de.
• Dukan ke bahar aap jo board lagayein ussmein clearly yeh likha hona chahiya ki aapki dukan aakhir kya bechti hainkyonki  yeh aapki dukan ki marketing ke liye sbse zyada important hota hai.
• Aaj kal ke time mein aapko apni dukan online va offline dono tareeke se advertise karna hoga. Aap apni dukan ka inn tareeke se kar sakte hai:

Online Advertisement

Google My Business – Google My Business Google ke taraf se ek free tool hain jisse aap apne kirana store business ko Google ki listing mein daal sakte hain. Iska fayeda ye hai ke jab bhi koi Google pe search karenge ke aas paas kirana store kahan hai ya phir sidha aapke naam se apki dukan dhundna chahega toh usse bhot aasani se aapki store ka sara detail Google par mil jayega.

Google My Business apke store ka naam, shop tak pahunchne ka direction, Phone number, Reviews, Ratings, images aur details sab kuch ek hi jagah par apke customer tak pahuncha dega. Iske alawa agar koi kisi area mein apne aas pas kirana ki dukan dhund raha hain aur aapka general store uss area ke range mein aa rha hai toh aapke shop ka naam aur detail bhi Google ki list mein aajayega. Isse aasani se aapki general store ko koi bhi online dhund sakta hai.

Just Dial – Just Dial ek aisa platform hai jo ki kisi bhi area ke local business ki information provide karte hai jo ki aapko ya toh internet ke madhyan se aapko milegi ya phir call ke through pata chalegi.

Just Dial mein bhi Google My Business ki tarah aapko apna busniess register karna hoga. Antar bas itna hainke Just Dial mein aap do tarah ki listing kara sakte hai– Free listing ya phir Paid Listing.

Registration ka process kaafi simple hota hai aur ye aap online unki website se kara sakte haiya phir aap 8888888888 pe call karke bhi registration kara sakte hain.

Offline Advertisement

Hoardings – Kyunki aapka business aisa business hai jo ki log jyadatar offline yani bina internet ke madhyan se dhundte hain, isiliye ye jaruri hai ki aap apne business ka prachar hoarding aur paper media ke madhyam se bhi karein. Hoarding ko lekar aapko kuch important baton ka dhyaan rakhna chaiye jaise –

• Dukaan khulne se kuch dino pehle aap apne shop ke agey “Opening Soon” ka hoarding jarur laga dein. Taki aate jaate logon ko pata rahe ki ek naya kirana store unke area mein khulne wala hai.

• Aap apne mini grocery store ka hoarding aisi jagah lagaye jaha par zyada log aate jaate ho tabhi logo ko aapki dukan ke baare mein pta chalenga.

Pamphlets – Apne shop ki advertisement aap pamphlets ke through bhi kar sakte hain. Isey ya toh aap khud aane jane wale logon ko dein ya phir apne area ke local newspaper wale ko kuch paise dekar bhi ghar ghar tak pahuncha sakte hain.

General store ka business kaise badhaye

Ek  baar aapki kirane ki dukan jam jaye uske baad aapko uske expansion par kaam karna hoga kyonki Aaj kal competiton itna zyada hai ki aap bina expansion Kirana store business plan ke survive kar hi nahin payenga. Aapki dukan thik se jamne mein 6-12 months lagenga toh uske baad aapne jo paisa kamaya haiusse apni dukan ko aur attractive, nayi facilties shuru karne mein invest karein. Yad rakhein jaise ki aapki dukan baregi toh aapko zyada staff ki jarurat hogi. Aap apne store ka expansion aisa kar sakte:

1. Mini super market

Jab aapke store mein zyada kamai hone lag jaye toh aap isse mini super market mein bhi convert kar sakte haijaha log rack par rakha hua samaan khud hi le lete  trolley aur basket ki help set. Isse aapka profit bhi barega kyonki ab aapki dukan mein aap zyada products display par rakh payenge aur log aasani se apne according le payenge. Customers ko samaan lena ke liye line mein bhi nahin lagana padheinga .

2. Online Kirana Store

Aap apne store ki online website bhi bana sakte haijaha se aapke locality mein rehna vaale customers aaram se ghar baithe hi  order kar payenga . Aapko bas apni website banakar uss par apne product list karne hoge. Aap delivery boys rakh sakte hai jo samaan customer tak pahucha denge. Aaj kal ki busy life mein log chahte haiki unke saare kaam ghar baithe hi aaram se ho jaye toh aapki dukan jab acha khasa profit kamane lag jaye toh aap yeh kar sakte hai.

3. Snapbizz ke sath register

Snapbizz ek online platform hai jo kirane ki dukano ki inventory management karne mein aur billing process mein madad karte hain. Aap isse platform par register karke iski facilities ka fayda uttah sakte hai. Isse aapke paise ki bhi bachat hogi kyonki inventory kharab home par aapko bahut nuksan hota haiaur bahut baar aapka staaf thk see inventory manage nahin kar pata. Isse aapki dukan mein manpower ki jarurat bhi kam hogi aur aapko bahut profit hoga. Iske baare mein aur jaanane ke liye iss link ko kholein :Snapbizz Ki Official Website

Kirana business ke liye tips

1. Utanah hi product apni dunkan mein rakhein jitni demand ho varna aapke products kharab ho jayege .Isse aapko  bahut loss honga. Apni inventory ko iss tarah rakhein ki samaan na ho aur sath hi mein kam na padhein.

2. Jab aap naya store khol rahe haintoh aap schemes, discount aur coupon ka use karein customers increase karne ke liye.

3. Friendly staff ko apni dukan mein rakhein kyonki agar aapke employees rude hoge toh aapke customers vaapis nahin aayenga.

4. Apni dukan mein children ka samaan jaise ki candies, chocolate etc. aur naye product aisi jagah par rakhein jaha se customer ki nazar ek dum jaye aur woh zaroor hi khareeda.

5. Jis product ki zyada demand hainusse stock mein zaroor rakhein aur usse aisi jagah rakhein jaha customer ki nazar ek dum jaye.

6. Dukan kholne se pehla aap jis locality mein apna store khol rah ek baar dekhiya aapka competitor kaise kaam kar rha hainaur woh apne customers ko kaise tackle karte hai.

7. Apni dukan  ko clean aur attracttive rakhein taaki aapke customers baar baar aye. Aapko unah ek friendly  environment dena jarur hoga.

8. Aaj kal kisi bhi dukan par jaanein se pehla uske reviews hamesha dekhta haintoh aap dhyan rakhein ki aap apne customers ko khush rakhein aur agar koi samaan dukan mein na ho toh usse mangva le kyonki tabhi aapke customers ke sath  long term relations banenga.

9. Jab aap apna business naya naya shuru kar rahe hain toh apne competitors’ ke comparison mein apne product ka price kam rakhein kyonki ek baar customers ne aapki dukaar mein aana shuru kar diya toh woh jarur baar baar aayenga.

Kirana Business se jude kuch sawaal

Q.1) Kaun shuru kar sakta/sakti hai?

Ans. General koi bhi khol sakta hai iske liye koi qualification ki jarurat nahi hai bas apko basic maths, hisaab kitaab ke liye aani chahiye.

Q.2) Dukan ke liye loan kaha se le?

Aap dukan ke liye loan bank se le sakte, zyada jaankari ke liye yahan click kare.

Q.3) General store mein kitna munafa hai?

Agar  aapk apna naya general store kho rahe haintoh aapko starting mein 100000 rupee ki  laagat se kam se kam 15000-30000  rupee har month kama sakte hai

Q.4) Furniture kitne ka aayega?

Aapki dukan ka furniture lag bhag 67300 tak ka aayenga.

Iss article ko padhne ke baad aapko General Store kholne ki saari jaruri jankaari mil gayi hogi. Humne puri koshish kari hai ki hum aapko saari important cheeza bta sake. Agar aapko koi bhi sawaal haitoh aap niche comment mein likh sakte hai.